ବସ ଓଲଟି ଜଣେ ମୃତ, ୬ ଆହତ
ବସ ଓଲଟି ଜଣେ ମୃତ, ୬ ଆହତ
admin
3945
ବଲାଙ୍ଗୀର : ଆଜି ଭୁବନେଶ୍ୱରରୁ ବଲାଙ୍ଗୀର ଯାଉଥିବା ଏକ ଯାତ୍ରୀବାହୀ ଘରୋଇ ବସ୍ ଓଲଟି ପଡ଼ିବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ୬ ଜଣ ଆହତ ହୋଇଛନ୍ତି । ମିଳିଥିବା ସୂଚନା ଅନୁସାରେ ବଲାଙ୍ଗୀର-ସୋନପୁର ରାସ୍ତାର ପୁଇଁତଲା ନିକଟରେ ଶ୍ରୀରାମ ନାମକ ଯାତ୍ରୀବାହୀ ଘରୋଇ ବସ୍ ଓଲଟି ପଡ଼ିଥିଲା। ଏହାଫଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ୬ ଜଣ ଆହତ ହୋଇଛନ୍ତି।ଏମାନଙ୍କ ଭିତରୁ ଜଣଙ୍କ ଅବସ୍ଥା ଗୁରୁତର ବୋଲି କୁହାଯାଉଛି।
ଅନ୍ୟପକ୍ଷରେ ଆହତମାନଙ୍କୁ ବଲାଙ୍ଗିର ଭୀମଭୋଇ ମେଡିକାଲରେ ଚିକିତ୍ସା କରାଯାଇ ଘରକୁ ପଠାଇ ଦିଆଯାଇଛି। ଘଟଣା ସ୍ଥଳରେ ପୁଲିସ୍ ପହଁଚି ମୃତ ଦେହକୁ ଜବତ କରିବା ସହିତ ତଦନ୍ତ ଚଳାଇଛି ।
