ବନ୍ୟା ସ୍ଥିତି ନାହିଁ: ଏସଆରସି

Oct 24, 2019 - 05:56 Updated: Oct 24, 2019 - 05:56

4819

ଭୁବନେଶ୍ୱର: ବଙ୍ଗୋପସାଗରରେ ହୋଇଥିବା ଲଘୁଚାପ ଯୋଗୁଁ ରାଜ୍ୟରେ ଲଗାଣ ବର୍ଷା ଜାରି ରହିଛି । ପ୍ରବଳରୁ ଅତି ପ୍ରବଳ ବର୍ଷା ହେବାରେ ଲାଗିଛି । ଲଗାଣ ବର୍ଷା ଯୋଗୁଁ ଜନଜୀବନ ବେହାଲ ହୋଇ ପଡିଛି । ଅତି ପ୍ରବଳ ବର୍ଷା ଯୋଗୁଁ ଲୋକମାନେ ଘରୁ ବାହାରିବା କଷ୍ଟକର ହୋଇପଡିଛି । ବିଭିନ୍ନ ଜିଲ୍ଲାରେ ଲଗାଣ ବର୍ଷା ନେଇ ଏସଆରସି ସୂଚନା ଦେଇଛନ୍ତି ଯେ, ୨ଟି ବ୍ଲକରେ ୨୦୦ ମିମି ବର୍ଷା ହୋଇଥିବା ବେଳେ ୩୭ଟି ବ୍ଲକରେ ୧୦୦ ମିମିରୁ ଅଧିକ ବର୍ଷା ହୋଇଛି । ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକରେ ସର୍ବାଧିକ ୨୪୯.୪ ମିମି ବର୍ଷା ରେକର୍ଡ କରାଯାଇଛି । ଗଞ୍ଜାମ ଚିକିଟି ବ୍ଲକରେ ୨୦୩ ମିମି ବର୍ଷା ରେକର୍ଡ କରାଯାଇଛି । ବନ୍ୟା ସ୍ଥିତି ନାହିଁ ବୋଲି ଏସଆରସି କହିଛନ୍ତି । କଟକର କିଛି ଜାଗାରେ ପାଣି ଜମିଥିବା ସୂଚନା ରହିଛି ।