ଫୋବର୍ସ ତାଲିକାରେ ଚତୁର୍ଥ ଦାମୀ ଅଭିନେତା
ଫୋବର୍ସ ତାଲିକାରେ ଚତୁର୍ଥ ଦାମୀ ଅଭିନେତା
admin
5195
‘ଫୋବର୍ସ’ ପକ୍ଷରୁ ପ୍ରକାଶିତ ଗୋଟିଏ ବର୍ଷରେ ସର୍ବାଧିକ ଆୟକାରୀ ଦଶଜଣିଆ ଅଭିନେତା ତାଲିକାରେ ଅକ୍ଷୟ କୁମାରଙ୍କ ସ୍ଥାନ ଚତୁର୍ଥ । ୨୦୧୮ ଜୁନ୍ ୧ ତାରିଖରୁ ୨୦୧୯ ଜୁନ୍ ୧ ତାରିଖ, ଅର୍ଥାତ ଗୋଟିଏ ବର୍ଷରେ ତାଙ୍କ ରୋଜଗାର ରହିଛି ପଞ୍ଚଷଠି ମିଲିଅନ ଡଲାର, ଭାରତୀୟ ମୁଦ୍ରାରେ ୪୬୫ କୋଟି ଟଙ୍କା । ବିଶ୍ୱର ସର୍ବାଧିକ ଦାମୀ ଅଭିନେତାଙ୍କ ମଧ୍ୟରେ ନିଜକୁ ସ୍ଥାନିତ କରିବା, ଅକ୍ଷୟଙ୍କ ପେସାଦାର ଜୀବନ ପାଇଁ ଏକ ବଡ଼ ଉପଲବ୍ଧି । ଏହି କ୍ରମରେ ସେ ବଲିଉଡ଼ ତଥା ହଲିଉଡର ବହୁ ନାମୀ ଦାମୀ ଅଭିନେତାଙ୍କୁ ପଛରେ ପକାଇ ଦେଇଛନ୍ତି । ୮୯.୪ ନିୟୁତ ଡଲାର ଆୟ ସହିତ ହଲିଉଡ଼ ଅଭିନେତା ଡେୱନ ଜନସନ ତାଲିକାରେ ଶୀର୍ଷରେ ଥିବା ବେଳେ କି୍ରସ ହେମସୱର୍ଥ, ରୋବୋର୍ଟ ତାୱନୀ, ଜାକି ଚୀନ, ବ୍ରାଡ଼ଲି କୁପର, ଏଡମ ସେଣ୍ଡଲର, କି୍ରସ ଇଭାନସ, ପଲ ରୁଡ୍, ବିଲ୍ ସ୍ମିଥ୍ଙ୍କ ଭଳି ଖ୍ୟାତନାମା କଳାକାର ଅଛନ୍ତି । ଗଲା ବର୍ଷ ଅକ୍ଷୟ କୁମାରଙ୍କ ସହିତ ସଲମାନ ଖାନ ଏହି ତାଲିକାରେ ସ୍ଥାନ ପାଇଥିଲେ । ଅକ୍ଷୟ ସପ୍ତମ ସ୍ଥାନରେ ଥିଲେ । ସଲମାନଙ୍କୁ ନବମ ସ୍ଥାନ ମିଳିଥିଲା, ଏଥର ସେ ବାଦ୍ ପଡ଼ିଛନ୍ତି । ସବୁଠାରୁ ଉଲ୍ଲେଖନୀୟ କଥା ହେଉଛି, ଅକ୍ଷୟ କୁମାର ପ୍ରତି ବର୍ଷ ତାଙ୍କ ବିପୁଳ ରୋଜଗାରର କିଛି ଭାଗ ଦାନ କରିଥାନ୍ତି । ଏକାଧିକ ଜନକଲ୍ୟାଣ ମୂଳକ କାର୍ଯ୍ୟରେ ବିନିଯୋଗ କରନ୍ତି, ଯାହା ତାଙ୍କ ମହାନ ବ୍ୟକ୍ତିତ୍ୱର ପରିଚୟ । ଅକ୍ଷୟଙ୍କ ଅଭିନୀତ ଫିଲ୍ମ ‘କେଶରୀ’ର ସଫଳତା ପରେ ଏବେ ‘ମିଶନ ମଙ୍ଗଲ’ ବକ୍ସ ଅଫିସରେ ଶହେ କୋଟି କ୍ଲବରେ ସାମିଲ ହୋଇସାରିଛି । ପୁଣି ଆଗକୁ ଆସୁଛି ‘ହାଉସ୍ଫୁଲ -୪ ଓ ‘ଗୁଡ଼୍ ନୁ୍ୟଜ୍’ ।
