ଫିଲ୍ମ ନିର୍ମାଣ କରିବେ ମମତା ବାନାର୍ଜୀ

Apr 17, 2020 - 13:02 Updated: Apr 17, 2020 - 13:02

5819

ଯେବେ ସମଗ୍ର ଦେଶ ଘଡ଼ିସନ୍ଧି ମୁହୂର୍ତ୍ତ ଦେଇ ଗତି କରୁଛି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଚଳଚ୍ଚିତ୍ର ନିର୍ମାଣ କରିବାକୁ ପଦକ୍ଷେପ ନେଇଛନ୍ତି । ସେ ଚଳଚ୍ଚିତ୍ର ନିର୍ମାଣ କରିବାକୁ ପଦକ୍ଷେପ ନେଇଛନ୍ତି । ସେ ଚଳଚ୍ଚିତ୍ର ନିର୍ମାତା ଭାବେ ‘ଝଡ଼ ଥେମେ ଯାବେ ଏକଦିନ’ ନାମକ ଏକ ଚଳଚ୍ଚିତ୍ର ତିଆରି କରୁଛନ୍ତି । ନିଜର ସୃଜନତାର ପ୍ରୟୋଗ ପୂର୍ବକ ସେ କରୋନା ମୁକାବିଲା ସଂକ୍ରାନ୍ତ ଏହି ଚଳଚ୍ଚିତ୍ରଟି ପ୍ରସ୍ତୁତ କରୁଛନ୍ତି । ସମ୍ପ୍ରତି କରୋନା ମୁକାବିଲାର ତୃଣମୂଳ ସ୍ତରରେ କାମ କରୁଥିବା ବ୍ୟକ୍ତିବିଶେଷକୁ ଉତ୍ସାହିତ କରିବା ସହ ସେମାନଙ୍କ ଅବଦାନକୁ ସ୍ୱୀକୃତି ଦେବା ଉଦ୍ଦେଶ୍ୟରେ ଏହା ନିର୍ମାଣ କରିଛନ୍ତି । ଏଥିସହ ବୟୋଜ୍ୟେଷ୍ଠ ବ୍ୟକ୍ତିବିଶେଷ କିପରି ଓ କେଉଁଠାରୁ କି ପ୍ରକାର ସହଯୋଗ ପାଇପାରିବେ ସେ ଏହି ଚଳଚ୍ଚିତ୍ରରେ ତାହା ଦେଖାଇବେ । ଲୋକ ପ୍ରିୟ ବଙ୍ଗଳା ନିର୍ଦ୍ଦେଶକ ଅରିନ୍ଦମ ସିଲ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଉଥିବା ବେଳେ ଏଥିରେ ସାଂସଦ ନୁସରତ ଜାହାଁ, ସାଂସଦ ମିମି ଚକ୍ରବର୍ତ୍ତୀଙ୍କୁ ଦେଖିବାକୁ ମିଳିବ । ଏହି ଚଳଚ୍ଚିତ୍ରରେ ଥିବା ଗୀତଟି ମଧ୍ୟ ମମତା ଲେଖିଛନ୍ତି । ଚଳଚ୍ଚିତ୍ରଟି ଲକଡାଉନ ନିୟମ ପାଳନ ସହିତ ଘରୁ ନିର୍ମାଣ କରାଯାଉଛି । ଖୁବଶୀଘ୍ର ଏହା ପ୍ରସାରଣ କରାଯିବ ।