ଶାହାରୁଖ ଖାନଙ୍କ ‘ପଠାନ’ ଫିଲ୍ମର ସୁଟିଂ ବନ୍ଦ, କାହିଁକି ଜାଣନ୍ତୁ
ଶାହାରୁଖ ଖାନଙ୍କ ‘ପଠାନ’ ଫିଲ୍ମର ସୁଟିଂ ବନ୍ଦ, କାହିଁକି ଜାଣନ୍ତୁ
admin
5827
ମହାମାରୀ କରୋନା ଧୀରେ ଧୀରେ ଚଳଚ୍ଚିତ୍ର ଜଗତକୁ ପ୍ରଭାବିତ କରିବାରେ ଲାଗିଛି । ଜଣକ ପରେ ଜଣେ ଅଭିନେତା ଓ କ୍ରୁ ସଦସ୍ୟ କରୋନାରେ ସଂକ୍ରମିତ ହୋଇ ସୁଟିଂ ବନ୍ଦ ହେଉଥିବା ବେଳେ ଅଭିନେତା ଶାହାରୁଖ ଖାନଙ୍କ ଅଭିନୀତ ପଟାନ ଚଳଚ୍ଚିତ୍ରର ସୁଟିଂକୁ ମଧ୍ୟ ସ୍ଥଗିତ ରଖାଯାଇଛି । ଗତ କିଛି ଦିନ ତଳେ ପଠାନର ଜଣେ କ୍ରୁ ସଦସ୍ୟଙ୍କ ନିକଟରେ କରୋନା ଲକ୍ଷଣ ଦେଖିବାକୁ ମିଳିବାରୁ ସେ ପରୀକ୍ଷା କରାଇଥିଲେ । ତେବେ ତାଙ୍କର ରିପୋର୍ଟ ପଜିଟିଭ ଆସିବାରୁ ସୁଟିଂକୁ ବନ୍ଦ କରାଯାଇଛି । ଏହା ସହିତ କିଙ୍ଗ ଖାନ ମଧ୍ୟ ନିଜକୁ ଘରେ ସଙ୍ଗରୋଧରେ ରଖିଛନ୍ତି । ୟଶରାଜ ବ୍ୟାନର୍ସ ପ୍ରୟୋଜିତ ଏହି ଚଳଚ୍ଚିତ୍ର ପ୍ରଥମେ ଦୁବାଇରେ ସୁଟିଂ ଶେଷ କରିବା ପରେ ଏବେ ମୁମ୍ବାଇରେ ସୁଟିଂ ଆରମ୍ଭ କରିଥିଲେ । କରୋନା ବାହାରିବା ପରେ ଏବେ ସୁଟିଂକୁ ସ୍ଥଗିତ ହୋଇଥିଲେ ହେଁ ଆଧିକାରିକ ଭାବେ ଚଳଚ୍ଚିତ୍ର ନିର୍ମାଣକାରୀ ସଂସ୍ଥା ପକ୍ଷରୁ କୌଣସି ସୂଚନା ଦିଆଯାଇନାହିଁ ।
