ପୁରୁଣା ଷ୍ଟେସନ ବଜାର ଦୂର୍ଗାପୂଜାର ଏଥର ଅଜନ୍ତା-ଏଲୋରା ଗୁମ୍ଫା
ପୁରୁଣା ଷ୍ଟେସନ ବଜାର ଦୂର୍ଗାପୂଜାର ଏଥର ଅଜନ୍ତା-ଏଲୋରା ଗୁମ୍ଫା
admin
5074
ଭୁବନେଶ୍ୱର:(ପ୍ରଭାତ କୁମାର ବେହେରା):ପ୍ରତ୍ୟେକ ବର୍ଷ ପରି ଚଳିତ ବର୍ଷ ୨୦୧୯ ମସିହାରେ ପୁରୁଣା ଷ୍ଟେସନ ବଜାର ସାର୍ବଜନୀନ ଦୂର୍ଗାପୂଜା ସମିତି ୧୯୫୫ ମହିହାରୁ ଆରମ୍ଭ ହୋଇଥିବା ପୂଜା ଚଳିତ ଥର ୬୪ ବର୍ଷରେ ପହଂଚିଛି । ପ୍ରତ୍ୟେକ ବର୍ଷ ନୂଆ ରୂପ ଓ ପରିକଳ୍ପନା ନେଇ ତୋରଣ ନିର୍ମାଣ ନେଇ ଚର୍ଚ୍ଚାରେ ରହୁଥିବା ପୂଜା ସମିତି ଏଥର ଔରଙ୍ଗାବାଦର ଥିବା ଅଜନ୍ତା-ଏଲୋରା ଗୁମ୍ଫାର ଅବିକଳ ନକଲ ଏଥର ସ୍ଥାନ ଦେବାକୁ ଯାଉଛି । ଯାହାକି ଏ ବର୍ଷର ମୁଖ୍ୟ ଆକର୍ଷଣ ହେବ ବୋଲି ସମିତି କର୍ମକର୍ତା ଆଶା ରଖିଛନ୍ତି । ଅନ୍ୟପକ୍ଷରେ ଆଦିମ ଯୁଗର ମାନବଙ୍କ ଚଳଣି ଶୈଳୀ ଓ ଏବେକାର ସହରୀ ସଭ୍ୟତାକୁ ପୂଜା ମଣ୍ଡପରେ ଆଭ୍ୟନ୍ତରୀଣ ସାଜସଜ୍ଜା ଲୋକଙ୍କୁ ଆକୃଷ୍ଟ କରିବ । ସବୁ ସମୟରେ ଚାନ୍ଦିମେଢ ଏଠାରେ ଅନ୍ୟତମ ଆକର୍ଷଣ ହୋଇ ଆସିଛି । ଏଥର ପୂଜା ବଜେଟ ୩୦ ଲକ୍ଷ ଟଙ୍କା ଧାର୍ଯ୍ୟ କରାଯାଇଛି । ସପ୍ତମୀ ତିଥିଠାରୁ ଅଷ୍ଟମୀ ତିଥି ମଧ୍ୟରେ ଦେବୀଙ୍କ ନିକଟରେ ଚରୁଅନ୍ନ ଭୋଗ ସାଙ୍ଗକୁ ଦଶମୀରେ ଦହିପଖାଳ ଲାଗିହେବ , ଯାହାକି ଶ୍ରଦ୍ଧାଳୁଙ୍କୁ ବଂଟନ ବ୍ୟବସ୍ଥା ରହିଛି । ମଣ୍ଡପ ପରିସରରେ ହେବାକୁ ଥିବା ଭିଡକୁ ଲକ୍ଷ୍ୟ ରଖି ୩୦ଟି ସିସିଟିଭି କ୍ୟାମେରା ଖଞ୍ଜା ଯିବ । ଟ୍ରାଫିକ ନିୟନ୍ତ୍ରଣ ଓ ଶାନ୍ତିଶୃଙ୍ଖଳା ରକ୍ଷା ପାଇଁ କମିଶନରେଟ୍ ପୋଲିସ ସହ ପୂଜା ସମିତି ପକ୍ଷରୁ ୧୦୦ ସ୍ୱେଚ୍ଛାସେବୀ ନିୟୋଜିତ ରହିବେ । ଷଷ୍ଠି ତିଥିଠାରୁ ଦଶମୀ ପର୍ଯ୍ୟନ୍ତ କଟକ ଓ ଭୁବନେଶ୍ୱର ବିଭିନ୍ନ କଳାକାରଙ୍କୁ ନେଇ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହେବ । ଏହା ସହ ପାରମ୍ପରିକ ବାଦ୍ୟରେ ଭସାଣି ଉତ୍ସବ ଅନୁଷ୍ଠିତ ହେବ । ଚଳିତ ଥର ପୂଜା ମଣ୍ଡପରେ ଲଗାଯିବାକୁ ଥିବା ସିସିଟିଭି କ୍ୟାମେରାକୁ କମିଶନରେଟ୍ ପୋଲିସର କ୍ୟାମେରା ସହ ଅନଲାଇନ୍ ସଂଯୋଗ ପାଇଁ ଯୋଜନା ରଖାଯାଇଛି । ମଣ୍ଡପକୁ ଆସୁଥିବା ମହିଳା ଓ ଭିନ୍ନକ୍ଷମ ଶ୍ରଦ୍ଧାଳୁ କିଭଳି ସୁରକ୍ଷିତରେ ପୂଜାର୍ଚ୍ଚନା କରିବେ ସେ ନେଇ ମହିଳା ସ୍ୱେଚ୍ଛାସେବୀ ଓ ପୁରୁଷ ସ୍ୱେଚ୍ଛାସେବୀ ପ୍ରମୁଖ ଭୂମିକା ଗ୍ରହଣ କରିବେ ।
