ପୁତୁରା ଟାଙ୍ଗିଆ ଚୋଟରେ ବଡ଼ବାପା ମୃତ
ପୁତୁରା ଟାଙ୍ଗିଆ ଚୋଟରେ ବଡ଼ବାପା ମୃତ
admin
4731
ବଣାଇଁ: ବଣାଇଁ ଉପଖଣ୍ଡ ମହୁଲପଦା ଥାନା ଅନ୍ତର୍ଗତ ସାନଜଲ ଗାଁରେ ଅପରାହ୍ନରେ ପାରିବାରିକ କଳହକୁ କେନ୍ଦ୍ର କରି ହତ୍ୟାକାଣ୍ଡ ଘଟିଛି । ପୁତୁରାର ଟାଙ୍ଗିଆ ଚୋଟରେ ବଡ଼ବାପାର ଜୀବନ ଚାଲିଯାଇଛି । ମୃତକ ହେଲେ ଗୋପୀନାଥ ମୁଣ୍ଡାରୀ (୬୨) । ଅଭିଯୁକ୍ତ ଗମେଇ ମୁଣ୍ଡାରୀ (୨୭) କୁ ପୁଲିସ ଅଟକ ରଖିଛି । ଗୋପୀନାଥ ଓ ଦୁବରାଇ ମୁଣ୍ଡାରୀଙ୍କ ପରିବାର ପାଖାପାଖି ରହି ଆସୁଥିଲେ । ଦୀର୍ଘଦିନରୁ ଉଭୟ ପରିବାର ମଧ୍ୟରେ ଜମିବାଡ଼ି ଭାଗବଣ୍ଟାକୁ ନେଇ ପାରିବାରିକ କଳହ ଲାଗି ରହିଥିଲା । ଘର ବାହାରେ ପ୍ରଥମେ ଗୋପୀନାଥ ଓ ତାଙ୍କ ପୁତୁରା ଗମେଇ ମଧ୍ୟରେ ଝଗଡ଼ା ହୋଇଥିଲା । ଗମେଇ ଉତକ୍ଷିପ୍ତ ହୋଇ ଘରୁ ଏକ ଟାଙ୍ଗିଆ ଆଣି ଗୋପୀନାଥଙ୍କୁ ଆକ୍ରମଣ କରିଥିଲେ । ଗୋପୀନାଥର ମୁଣ୍ଡକୁ ଟାଙ୍ଗିଆରେ ହାଣି ହତ୍ୟା କରିବାଫଳରେ ଘଟଣାସ୍ଥଳରେ ତାର ମୃତୁ୍ୟ ହୋଇଯାଇଥିଲା ।
