ପୁଣି ଅସରାଏ ବର୍ଷା ପାଣିରେ ଭାସିଲା ସ୍ମାର୍ଟସିଟି
ପୁଣି ଅସରାଏ ବର୍ଷା ପାଣିରେ ଭାସିଲା ସ୍ମାର୍ଟସିଟି
admin
3798
ଭୁବନେଶ୍ୱର: ପୁଣି ଅସରାଏ ବର୍ଷା ପାଣିରେ ଭାସିଲା ସ୍ମାର୍ଟସିଟି । ଟ୍ରପ ଲାଇନ ପ୍ରଭାବରେ ରାଜ୍ୟର କିଛି ସ୍ଥାନରେ ବର୍ଷା ଜାରି ରହିଥିବା ବେଳେ ଭୁବନେଶ୍ୱରରେ ମଧ୍ୟ ବର୍ଷା ହୋଇଛି । କେବଳ ୪୫ ମିନିଟର ବର୍ଷାରେ ରାଜଧାନୀ ଭୁବନେଶ୍ୱରର ଅଧିକାଂଶ ସ୍ଥାନ ଜଳମଗ୍ନ ହୋଇପଡ଼ିଛି ।
ବର୍ଷାରେ ଭୁବନେଶ୍ୱରର ହାଲ ବେହାଲ । ବଙ୍ଗୋପସାଗରରେ ସୃଷ୍ଟ ଲଘୁଚାପ ବଳୟ ହେତୁ ଓଡିଶାରୁ ଆନ୍ଧ୍ର ଉପକୂଳ ଯାଏଁ ଟ୍ରପ ଲାଇନ ହୋଇଛି । ଯାହା ପ୍ରଭାବ ଭୁବନେଶ୍ୱରରେ ମଧ୍ୟ ଦେଖିବାକୁ ମିଳିଛି । ଭୁବନେଶ୍ୱରରେ କେବଳ ୪୫ ମିନିଟ ବର୍ଷା ହୋଇଥିବା ବେଳେ ଅଧିକାଂଶ ସ୍ଥାନ ଜଳମଗ୍ନ ହୋଇପଡ଼ିଛି । ଡିଜି କ୍ୟାମ୍ପ ଅଫିସ ଆଗରେ ପାଣି ଲହଡି ଭାଙ୍ଗୁଛି । ଲୋକଙ୍କ ଘର ଭିତରେ ମଧ୍ୟ ପାଣି ପଶିଯାଇଛି । ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ନୟାପଲ୍ଲୀ ଇସ୍କନ ମନ୍ଦିର ପାଖରେ ରାସ୍ତା ଉପରେ ଦେଖାଦେଇଛି ଆଣ୍ଠୁଏ ପାଣି । ସେଠାରେ କାର, ବାଇକ ଭାସିିଯାଉଥିବା ଦେଖିବାକୁ ମିଳିଛି । କେବଳ ୪୫ ମିନିଟ ବର୍ଷାରେ ଏପରି ହାଲ ହୋଇଛି । ପୂର୍ବରୁ ଏପରି ଅବସ୍ଥା ଦେଖା ଦେଉଥିବା ବେଳେ ଅନେକ ପଦକ୍ଷେପ ନିଆଯାଉଥିଲେ ମଧ୍ୟ ଏହି ପରିସ୍ଥିତିର ପୁନରାବୃତ୍ତି ହୋଇଛି । କେବଳ କାଗଜ କଲମରେ ରହିଯାଉଛି ପ୍ରତିଶ୍ରୁତି ।
