ପିଷାଚ ସାଜିଲା ବାପା, ଭାତରେ ବିଷ ମିଶାଇ ପୂରା ପରିବାରକୁ ମାରିଦେବାକୁ ଉଦ୍ୟମ ।
ପିଷାଚ ସାଜିଲା ବାପା, ଭାତରେ ବିଷ ମିଶାଇ ପୂରା ପରିବାରକୁ ମାରିଦେବାକୁ ଉଦ୍ୟମ ।
admin
2192
ମାଲକାନଗିରି ଜିଲ୍ଲାର ମାଥିଲି ବ୍ଲକ ଅଞ୍ଚଳରେ ଘଟିଛି ଅଭାବନୀୟ ଘଟଣା । ବିଷମିଶା ଭାତ ଖାଇ ଗୋଟିଏ ପରିବାରର ୫ଜଣ ଗୁରୁତର ଅସୁସ୍ଥ ହୋଇଥିବା ଘଟଣା ଚାଞ୍ଚଲ୍ୟ ଖେଳାଇ ଦେଇଛି। ସେମାନଙ୍କୁ ଗୁରୁତର ଅବସ୍ଥାରେ ମାଥିଲି ଡାକ୍ତରଖାନାରେ ଭର୍ତ୍ତି କରାଯାଇଛି।
ମିଳିଥିବା ସୂଚନା ଅନୁଯାୟୀ, ମାଥିଲି ବ୍ଲକର ଡୁଙ୍ଗିଆପୁଟ ଗ୍ରାମ ପଞ୍ଚାୟତର କାଳିଆ ନାଏକଗୁଡ଼ା ଗ୍ରାମରେ ଏହି ଅଘଟଣ ଘଟିଛି। ଗତକାଲି ରାତିରେ ନିଶାସକ୍ତ ଅବସ୍ଥାରେ ବାପା ନରସିଂହ ମାଝି ସପରିବାର ଖାଇବା ପୂର୍ବରୁ ଭାତରେ ବିଷ ମିଶାଇ ଦେଇଥିଲେ। ଭାତରେ ବିଷ ମିଶାଇ ପରିବାରକୁ ନିଶ୍ଚିହ୍ନ ଲାଗି ଉଦ୍ୟମ କରିଥିଲେ ବାପା ନରସିଂହ। ଏଥିରେ ସ୍ତ୍ରୀ ପୂର୍ଣ୍ଣା, ପୁଅ ବାସୁଦେବ, ପୁତୁରା ବନ୍ଧୁ ନାୟକ ଏବଂ ୨ ଝିଅ ସୁମିତ୍ରା, ଗୌରୀ ଗୁରୁତର ହୋଇଥିଲେ।
ଏକଥା ଜାଣିବା ପରେ ଗ୍ରାମବାସୀମାନେ ଆମ୍ବୁଲାନ୍ସ ଡକାଇ ସେମାନଙ୍କୁ ମାଥିଲି ଡାକ୍ତରଖାନାରେ ଭର୍ତ୍ତି କରିଥିଲେ। ଏହି ୫ଜଣଙ୍କ ଅବସ୍ଥା ଗୁରୁତର ରହିଛି। ଖବର ପାଇ ମାଥିଲି ପୋଲିସ ଏହି ଘଟଣାର ତଦନ୍ତ କରୁଛି ।
