ପିଆସିଟିରେ ଦୁର୍ଘଟଣାର ତଦନ୍ତ ପାଇଁ ଦାବୀ
ପିଆସିଟିରେ ଦୁର୍ଘଟଣାର ତଦନ୍ତ ପାଇଁ ଦାବୀ
admin
3812
ପାରାଦ୍ୱୀପ: (ଲକ୍ଷ୍ମୀନାରାୟଣ ସାହୁ) : ପାରାଦ୍ୱୀପ ଇଣ୍ଟରନେସନାଲ କାର୍ଗୋ ଟର୍ମିନାଲ (ପିଆଇସିଟି)ରେ ବାରମ୍ବାର ଦୁର୍ଘଟଣା କୁ ନେଇ ତଦନ୍ତ ଦାବୀ କରିଛନ୍ତି ଆନ୍ତର୍ଜାତିକ ମାନବାଧିକାର କରିଷଦର ଷ୍ଟେଟ୍ ବୋର୍ଡର ଜଗତସିଂପୁର ଜିଲ୍ଲା ସଭାପତି ସତ୍ୟପ୍ରକାଶ ମହାନ୍ତି । ସେ ଆଜି ବିଧିବଧ ଭାବେ ପାରାଦ୍ୱୀପ ନୂଆବଜାରସ୍ଥ କେନ୍ଦ୍ରୀୟ ଶ୍ରମ ପ୍ରବର୍ତ୍ତନ ଅଧିକାରୀଙ୍କ ନିକଟରେ ଲିଖିତ ଅଭିଯୋଗ କରିଥିବା ଜଣାପଡିଛି । ତାଙ୍କ ଅଭିଯୋଗ ଅନୁଯାଇ ଗତ ୨ ଓ ୩ ତାରିଖରେ ପିଆଇସିଟି ବର୍ଥରେ ଦୁଇଦୁଇଟି ଦୁର୍ଘଟଣା ଘଟିଲା ଗୋଟିଏ ଦୁର୍ଘଟଣାରେ କ୍ରେନ୍ର ରୋପ୍ ଛିଡିପଡିଯିବାରୁ କଏଲ ଛିଣ୍ଡି ଜାହାଜର ହାଚ୍ ଭିତରେ ପଡିଲା । ମରୁ ମରୁ ୧୦ ଶ୍ରମିକ ବଞ୍ଚିଗଲେ । ଅନ୍ୟଟି ହେଲା ସମୁଦ୍ର ଜୁଆରିଆ ଥିବା ବେଳେ ଶ୍ରମିକ ମାନେ କାମ କରିବାକୁ ମନାକରୁଥିଲେ କିନ୍ତୁ ତାକୁ ବାଧ୍ୟକରି କାମ କରାଯିବା ଫଳରେ ପ୍ଲେଟରେ ଦିଆଯାଇଥିବା ଡୋନେଜ ମାଡ ରେ ଜଣେ ଶ୍ରମିକ ଆହତ ହୋଇ ପ୍ରଥମେ ପାରାଦ୍ୱୀପ ଓ ପରେ ଭୁବନେଶ୍ୱର ର ଏକ ଘରୋଇ ମେଡିକାଲ କୁ ଗଲେ । ଏହି ଦୁଇଟି ଘଟଣାରେ ପିଆଇସିଟି ଶ୍ରମୀକ ମାନଙ୍କ ସୁରକ୍ଷ୍ୟା କ୍ଷେତ୍ରରେ କୋହଳ ମନୋଭାବ ପୋଷଣ କରୁଥିବା ଓ ଶ୍ରମିକ ମାନଙ୍କ ଜୀବନ ସହ ଖେଳ ଖେଳୁଥିବା ସେ ସନେ୍ଦହ କରୁଛନ୍ତି । ସେହିପରି ଅନେକ କାର୍ଯ୍ୟରତ ଶ୍ରମୀକ ମାନଙ୍କର ଇପିଏଫ ଏବଂ ଇଏସ୍ଆଇ ପଇଠ ହେଉନଥିôବା ଆଲୋଚନା ହେଉଛି ଓ ଅନେକ ସମୟରେ ଶ୍ରମିକ ମାନେ ଏନେଇ ଅସନ୍ତୋଷ ବ୍ୟକ୍ତ କରିବା ସହ ଧାରଣା ଓ ଧର୍ମଘଟ କରୁଛନ୍ତି । ତେଣୁ ଏହି ସବୁ ଘଟଣାର ନିରପେକ୍ଷ୍ୟ ତଦନ୍ତ ପାଇଁ ସେ ଦାବୀ କରିଛନ୍ତି ।
