ପାକିସ୍ତାନୀଙ୍କ ଟାର୍ଗେଟରେ କଙ୍ଗନା
ପାକିସ୍ତାନୀଙ୍କ ଟାର୍ଗେଟରେ କଙ୍ଗନା
admin
5843
ମୁମ୍ବାଇ: ବଲିଉଡ ଅଭିନେତ୍ରୀ କଙ୍ଗନା ରାଣାୱତ ମୁମ୍ବାଇକୁ ‘ପାକ ଅଧିକୃତ କାଶ୍ମୀର’ ଓ ପରେ ‘ପାକିସ୍ତାନ’ ସହ ତୁଳନା କରିବା ଟ୍ୱିଟକୁ ନେଇ ପାକିସ୍ତାନରେ ଝଡ଼ ସୃଷ୍ଟି ହୋଇଛି । ପାକିସ୍ତାନର କଳାକାରମାନେ କଙ୍ଗନାକୁ ପରିହାସ କରି ଟ୍ୱିଟ କରିଛନ୍ତି । ବିଶିଷ୍ଟ ପାକିସ୍ତାନୀ ବ୍ୟଙ୍ଗ ଅଭିନେତା ଜାରାର ଖୁରୋ କଙ୍ଗନାଙ୍କ ପାକିସ୍ତାନ ମନ୍ତବ୍ୟ ପରେ ଟ୍ୱିଟ କରିଛନ୍ତି ‘ବିୱି ହମାରେ କୋଇ ଲେନ ଦେନ ନେହିଁ ହୈ ଆପ କେ ନାଟକ ସେ’ । ଜାରାର ପରିହାସ ଛଳରେ କହିଛନ୍ତ କଙ୍ଗନାଙ୍କ ନାଟକବାଜିରେ ତାଙ୍କର କିଛି କାରବାର ନାହିଁ । କଙ୍ଗନା ତାଙ୍କର ଅଫିସ ଭାଙ୍ଗିବା ସମୟରେ ଏକ ଫଟୋ ସହ ମୁମ୍ବାଇକୁ ପାକିସ୍ତାନ କହି ଟ୍ୱିଟ କରିଥିଲେ । ତେବେ କଙ୍ଗନାଙ୍କ ଏହି ପାକିସ୍ତାନ ଟ୍ୱିଟକୁ ନେଇ ପାକିସ୍ତାନରେ କଙ୍ଗନାକୁ ବିରୋଧ କରାଯାଇଛି । ପାକିସ୍ତାନୀମାନେ କଙ୍ଗନାକୁ ପରିହାସ କରି ନାନା ପ୍ରକାର ଟ୍ୱିଟ କରିଛନ୍ତି । ଆଉ ଜଣେ ପାକିସ୍ତାନୀ ମେହର ତରାର ଟ୍ୱିଟ କରିଛନ୍ତି ‘ପି୍ରୟ କଙ୍ଗନା, ଆପଣ ନିଜ ସ୍ୱାର୍ଥ ପାଇଁ ରାଜନୈତିକ ଲଢେ଼ଇ କରନ୍ତୁ । ମାତ୍ର ଦୟା କରି ଆମ ଦେଶର ନାମ ନିଅନ୍ତୁ ନାହିଁ । ଆମ ଦେଶରେ କୌଣସି ଅଭିନେତା, ଅଭିନେତ୍ରୀଙ୍କ ଘର ଭାଙ୍ଗି ଦିଆଯାଏ ନାହିଁ ।’ ଏହାର ଜବାବରେ କଙ୍ଗନା ଟ୍ୱିଟ କରିଛନ୍ତି, ‘ପାକିସ୍ତାନ, ଗଣତନ୍ତ୍ରର ମୃତୁ୍ୟ ।’ କଙ୍ଗନାଙ୍କ ଏହି ଟ୍ୱିଟକୁ ନେଇ ପାକିସ୍ତାନୀମାନେ କଙ୍ଗନାକୁ ଟାର୍ଗେଟ କରିଛନ୍ତି ।
