ନ୍ୟାୟ ପ୍ରତିଶୋଧର ରୂପ ନେବା ଉଚିତ ନୁହେଁ ...

Dec 9, 2019 - 04:55 Updated: Dec 9, 2019 - 04:55

5935

ନୂଆଦିଲ୍ଲୀ : ହାଇଦ୍ରାବାଦରେ ଜଣେ ୨୬ ବର୍ଷୀୟା ପ୍ରାଣୀ ଡାକ୍ତରଙ୍କୁ ଗଣଦୁଷ୍କର୍ମ ଓ ହତ୍ୟା ମାମଲାରେ ପୁଲିସ ୪ ଅଭିଯୁକ୍ତଙ୍କୁ ଏନକାଉଣ୍ଟରରେ ନିପାତ କରିବାକୁ ନେଇ ସରଗରମ ଚର୍ଚ୍ଚା ଚାଲିଛି । ଏକ ବଡ଼ ଗୋଷ୍ଠୀ ପୁଲିସର କାର୍ଯ୍ୟାନୁଷ୍ଠାନକୁ ପ୍ରଶଂସା କରୁଥିବା ବେଳେ ଅନ୍ୟମାନେ ପୁଲିସର ପଦକ୍ଷେପକୁ ନେଇ ପ୍ରଶ୍ନ ଉଠାଇଛନ୍ତି । ଏହି ମାମଲାରେ ଶନିବାର ଭାରତର ପ୍ରଧାନ ବିଚାରପତି ଶରଦ ଅରବିନ୍ଦ ବୋବଡେ ତାଙ୍କର ମତ ରଖିଛନ୍ତି । ପ୍ରଧାନ ବିଚାରପତି କହିଛନ୍ତି ଯେ ଯଦି ନ୍ୟାୟ ପ୍ରତିଶୋଧ ଭାବନାରେ କରାଯିବ, ତା'ହେଲେ ନ୍ୟାୟ ତା'ର ଚରିତ୍ର ହରାଇବ । ପ୍ରତିଶୋଧ ଭାବନାରେ ହେଉଥିବା ନ୍ୟାୟକୁ ନ୍ୟାୟ ବୋଲି କୁହାଯାଇ ପାରିବ ନାହିଁ । ନ୍ୟାୟ କେବେହେଲେ ତତ୍କ୍ଷଣାତ ହୋଇପାରିବ ନାହିଁ । ରାଜସ୍ଥାନ ହାଇକୋର୍ଟର ନୂତନ ଭବନ ଉଦଘାଟନ ଉତ୍ସବରେ ପ୍ରଧାନ ବିଚାରପତି ହାଇଦ୍ରାବାଦ ଏନକାଉଣ୍ଟରକୁ ନେଇ ଏଭଳି ମତ ରଖିବା ବେଳେ ଏହି ଅବସରରେ କେନ୍ଦ୍ର ଆଇନ ମନ୍ତ୍ରୀ ରବି ଶଙ୍କର ପ୍ରସାଦ ମଧ୍ୟ ଉପସ୍ଥିତ ଥିଲେ । ପ୍ରଧାନ ବିଚାରପତି କହିଥିଲେ ଯେ ନ୍ୟାୟିକ ପ୍ରକ୍ରିୟା ତ୍ୱରାନ୍ୱିତ ହେବା ସହିତ ଏଭଳି ଘଟଣାକୁ ରୋକିବା ଦିଗରେ ମଧ୍ୟ ବ୍ୟାପକ ଉଦ୍ୟମ ହେବା ଆବଶ୍ୟ