ନିଜ ହାତରେ ଦହି ଭେଣ୍ଡି ମସଲା କରି ଖାଆନ୍ତୁ, ଭୁଲି ଯିବେ ହୋଟେଲର ସ୍ୱାଦ
ନିଜ ହାତରେ ଦହି ଭେଣ୍ଡି ମସଲା କରି ଖାଆନ୍ତୁ, ଭୁଲି ଯିବେ ହୋଟେଲର ସ୍ୱାଦ
admin
3305
ଆବଶ୍ୟକ ସାମଗ୍ରୀ-
ଦହି, ଭେଣ୍ଡି, ଲଙ୍କା ପାଉଡର, ହଳଦୀ ପାଉଡର, ଗରମ ମସଲା, ଜିରା, ଧନିଆ ପାଉଡର, ଜିରା ପାଉଡର, ପିଆଜ, କଂଚା ଲଙ୍କା, ତେଲ, ଲୁଣ, ଧନିଆ ପତ୍ର ।
ପ୍ରସ୍ତୁତି ପ୍ରଣଳୀ-
ପ୍ରଥମେ ଭେଣ୍ଡିକୁ ଧୋଇ ଦୁଇ ଖଣ୍ଡ କରି କାଟିବେ । ଏହାପରେ ଏକ ପାତ୍ରରେ ଦହି ନେଇ ସେଥିରେ ଧନିଆ ପାଉଡର, ଗରମ ମସଲା, ଜିରା ପାଉଡର, ଲଙ୍କା ପାଉଡର ପକାଇ ଭଲଭାବେ ମିକ୍ସ କରିବେ । ଏହାପରେ ଗ୍ୟାସ୍ରେ ପ୍ୟାନ୍ ବସେଇ ତେଲ ପକାଇବେ । ତେଲ ଗରମ ହେବା ପରେ ସେଥିରେ କଟା ଭେଣ୍ଡି ପକାଇ ଗୋଲ୍ଡେନ କଳର ହେବା ଯାଏଁ ଫ୍ରାଏ କରି ଏକ ପାତ୍ରକୁ କାଢି ରଖିବେ । ଏହାପରେ ସେହି ପ୍ୟାନ୍ରେ ପୁଣି ଅଳ୍ପ ତେଲ ପକାଇ ଗରମ କରିବେ । ଏହାପରେ ସେଥିରେ ଜିର, କଟା କଂଚା ଲଙ୍କା ପକାଇ ଫ୍ରାଏ କରିବେ । ଏହାପରେ ସେଥିରେ କଟା ପିଆଜ ପକାଇ ଭଲଭାବେ ଫ୍ରାଏ କରିବେ । ତାପରେ ସେଥିରେ ହଳଦୀ ପାଉଡର, ଲଙ୍କା ପାଉଡର ପକାଇ ମିକ୍ସ କରିବେ । ଏହାପରେ ସେଥିରେ ପ୍ରସ୍ତୁତ କରି ରଖିଥିବା ଦହି ମସଲା ପକାଇ ଭଲଭାବେ ମିକ୍ସ କରିବେ । ଅଳ୍ପ ସମୟ ଏହା ଭାଜି ହେବା ପରେ, ସେଥିରେ ଆବଶ୍ୟକ ଅନୁଯାୟୀ ପାଣି ଢାଳି ଅଳ୍ପ ସମୟ ଫୁଟାଇବେ । ଏହାପରେ ସେଥିରେ ଫ୍ରାଏ କରି ରଖିଥିବା ଭେଣ୍ଡି ଏବଂ ଲୁଣ ପକାଇ ଭଲଭାବେ ଫୁଟିବାକୁ ଛାଡିବେ । ଏହାପରେ ଗ୍ୟାସ ବନ୍ଦ କରି ଏକ ପାତ୍ରକୁ କାଢିବେ । ପ୍ରସ୍ତୁତ ହୋଇଗଲା ଦହି ଭେଣ୍ଡି ମସଲା । ଏବେ ତା ଉପରେ କିଛି କଟା ଧନିଆ ପତ୍ର ପକାଇ ଗରମ ଗରମ ଏହାର ମଜା ନେଇ ପାରିବେ ।
