ଦୀପିକା ପାଦୁକୋନଙ୍କୁ ହେବ ଜେରା !

Sep 22, 2020 - 09:25 Updated: Sep 22, 2020 - 09:25

4473

ମୁମ୍ବାଇ : ଡ୍ରଗ୍ସ ମାମଲାରେ ଏବେ ବଲିଉଡ଼ର ବହୁ ବଡ଼ ତାରକାଙ୍କ ନାମ ସାମ୍ନାକୁ ଆସିବାରେ ଲାଗିଛି । ଏନେଇ ଏନସିବି ଖୋଳତାଡ଼ ଜାରି ରଖିଥିବାବେଳେ ପ୍ରତିଷ୍ଠିତ ଅଭିନେତା ଓ ଅଭିନେତ୍ରୀଙ୍କୁ ଜେରା କରାଯିବା ନେଇ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି । ଶ୍ରଦ୍ଧା କାପୁର, ସାରା ଅଲ୍ଲୀ ଖାନ ଓ ରାକୁଲ ପ୍ରୀତି ସିଂହଙ୍କୁ ଜେରା କରାଯିବ ବୋଲି ଚର୍ଚ୍ଚା ଜୋର ଧରିଥିବାବେଳେ ଏବେ ସେହି ଚର୍ଚ୍ଚା ଭିତରକୁ ପଶି ଆସିଛନ୍ତି ଦୀପିକା ପାଦୁକୋନ । ଆସନ୍ତା ସପ୍ତାହରେ ଦୀପିକାଙ୍କୁ ଜେରା ପାଇଁ ନୋଟିସ ଯିବ ବୋଲି ଜାତୀୟ ଚ୍ୟାନେଲରେ ଖବର ପ୍ରସାରିତ ହେଉଛି । ପ୍ରକାଶିତ ଖବର ଅନୁଯାୟୀ, ଡ୍ରଗ୍ସ ଚାଟରେ ଏନ. ଜେ, ଏସ, ଡି ଓ କେ ଭଳି କେତେକ ସାଂକେତିକ ନାମ ବ୍ୟବହାର କରାଯାଇଛି । ଯେଉଁଠି ଡିର ମାନେ ଦୀପିକା ପାଦୁକୋନ ବୋଲି କୁହାଯାଉଛି । ଡ୍ରଗ୍ସ ଚାଟରେ ଦୀପିକା ‘ମାଲ’ ଅର୍ଥାତ ଡ୍ରଗ୍ସ ମାଗୁଛନ୍ତି । ଦୀପିକାଙ୍କ ପ୍ରଶ୍ନର ଉତରରେ କରିସ୍ମା କହୁଛନ୍ତିଯେ, ମୋ ପାଖରେ ଅଛି । ହେଲେ ଘରେ ଅଛି । ମୁଁ ବାନ୍ଦ୍ରାରେ ଅଛି । ଯଦି କହିବ ଅମିତକୁ ପଚାରିବି । ଏହାର ଉତରରେ ଦୀପିକା କହୁଛନ୍ତିଯେ, ହଁ ପ୍ଲିଜ । କରିସ୍ମା କହୁଛନ୍ତି, ‘ଅମିତ ପାଖରେ ଅଛି । ସେ ନେଇକି ଯାଉଛି ।’