ନିଲମ୍ବିତ ସାଂସଦଙ୍କ ପାଇଁ ଉପବାସ ରଖିଲେ ଶରଦ ପୱାର
ନିଲମ୍ବିତ ସାଂସଦଙ୍କ ପାଇଁ ଉପବାସ ରଖିଲେ ଶରଦ ପୱାର
admin
5378
ନୂଆଦିଲ୍ଲୀ : ସଂସଦରେ ହଙ୍ଗାମା କାରଣରୁ ନିଲମ୍ବିତ ହୋଇଥିବା ୮ ସାଂସଦଙ୍କ ସପକ୍ଷରେ ବାହାରିଛନ୍ତି ବରିଷ୍ଠ ଏନସିପି ନେତା ଶରଦ ପୱାର । ନିଲମ୍ବିତ ସାଂସଦଙ୍କ ପାଇଁ ଶରଦ ପୱାର ଉପବାସ ରଖିଛନ୍ତି । ସାଂସଦଙ୍କ କାର୍ଯ୍ୟକଳାପ କାରଣରୁ ରାଜ୍ୟସଭା ଉପାଧ୍ୟକ୍ଷ ହରିବଂଶ ନାରାୟଣ ସିଂ ଉପବାସ ରଖିଥିବା ବେଳେ ଶରଦ ପୱାର ମଧ୍ୟ ଉପବାସ ରଖିଛନ୍ତି । ତେବେ ଶରଦ ପୱାର ସାଂସଦଙ୍କ ନିଲମ୍ବନ ବିପକ୍ଷରେ ଏହି ଉପବାସ ରଖିଛନ୍ତି । ମୋଦି ସରକାର ରାଜ୍ୟସଭାରେ ବିରୋଧୀ ଦଳଙ୍କୁ ନୀରବ କରାଇବା ପାଇଁ ଏଭଳି କାମ କରୁଛି ବୋଲି ଅଭିଯୋଗ କରି ଉପବାସରେ ବସିଛନ୍ତି ଶରଦ ପୱାର । ରବିବାର କୃଷି ବିଲ ପାରିତ ହେଉଥିବା ସମୟରେ ହରିବଂଶଙ୍କ ସହିତ ଦୁର୍ବ୍ୟବହାର ଅଭିଯୋଗରେ ସୋମବାର ଦିନ ୮ ସାଂସଦଙ୍କୁ ନିଲମ୍ବନ କରିଥିଲେ ଉପ ରାଷ୍ଟ୍ରପତି ଏମ ଭେଙ୍କୟା ନାଇଡୁ ।
