ଦିଲ୍ଲୀ ବିଧାନସଭା ନିର୍ବାଚନ ପାଇଁ ବାଜିଲା ବିଗୁଲ । ଦିଲ୍ଲୀରେ କିଏ ମାରିବ ବାଜି ରହିଲା ସମସ୍ତଙ୍କ ନଜର
ଦିଲ୍ଲୀ ବିଧାନସଭା ନିର୍ବାଚନ ପାଇଁ ବାଜିଲା ବିଗୁଲ । ଦିଲ୍ଲୀରେ କିଏ ମାରିବ ବାଜି ରହିଲା ସମସ୍ତଙ୍କ ନଜର
admin
3112
ଘୋଷଣା ହେଲା ଦିଲ୍ଲୀ ବିଧାନସଭା ପାଇଁ ନିର୍ବାଚନ ତାରିଖ । ଫ୍ରେବୃଆରୀ 8 ତାରିଖରେ ଜନସାଧାରଣ ମତଦାନ ସ୍ୟାବସ୍ତ କରିବାକୁ ଥିବାବେଳେ 11 ତାରିଖରେ ଭୋଟ ଗଣତି ହେବାନେଇ ଘୋଷଣା କରିଛନ୍ତି ନିର୍ବାଚନ ଆୟୋଗ । ଏ ନେଇ ନିର୍ବାଚନ ଆୟୋଗଙ୍କ ପକ୍ଷରୁ ଦିଲ୍ଲୀ ନିର୍ବାଚନ ଭବନରେ ଆଜି ଦିନ 3ଟା30 ମିନିଟରେ ଦିଲ୍ଲୀ ନିର୍ବାଚନ ପାଇଁ ତାରିଖ ଘୋଷଣା କରିବା ନେଇ ସାମ୍ୱାଦିକ ମାନଙ୍କୁ ସୂଚନା ଦିଆଯାଇଥିଲା । ଏହା ସହ ଆଜିଠାରୁ ଦିଲ୍ଲୀରେ ନିର୍ବାଚନ ଆଚରଣ ସଂହିତା ଲାଗୁ ହେବା ସହ ଆଉ କୌଣସି ବି ପ୍ରକାରର ସରକାରୀ ଘୋଷଣା ହୋଇପାରିବ ନାହିଁ ଏହା ସହ କୌଣସି ପାର୍ଟିର ବ୍ୟାନର ହୋର୍ଡିଙ୍ଗ ମଧ୍ୟ ଲାଗି ପାରିବ ନାହିଁ ବୋଲି ନିର୍ଦ୍ଦେଶ ରହିଛି । 70 ବିଧାନସଭା ଆସନ ବିଶିଷ୍ଟ ଦିଲ୍ଲୀ ବିଧାନସଭା ପାଇଁ ଫେବୃଆରୀ 22 ତାରିଖ ପୂର୍ବରୁ ନିର୍ବାଚନ ଶେଷ କରି ନୂତନ ସରକାର ଗଠନ କରାଯିବ ବୋଲି ଜଣାପଡିଛି ।
ନାମଙ୍କନ ଦାଖଲ ନିମନ୍ତେ ଜାନୁୟାରୀ 14 ତାରିଖ ଦିନ ପ୍ରକାଶ ପାଇବ ବିଜ୍ଞପ୍ତି । ସେହିଭଳି 21 ତାରିଖ ନାମାଙ୍କନ ଦାଖଲର ଶେଷ ଦିନ ଥିବାବେଳେ 22 ଦିନ ଯାଞ୍ଚ ହେବ ନାମାଙ୍କନ ପତ୍ର, ଜାନୁୟାରୀ 24 ସୁଦ୍ଧା ନାମାଙ୍କନ ପ୍ରତ୍ୟାହାରର ଶେଷ ଦିନ ଥିବା ଜଣାପଡିଛି ।
70 ଆସନ ବିଶିଷ୍ଟ ଦିଲ୍ଲୀ ବିଧାନସଭାରେ ବର୍ତ୍ତମାନ 67ଜଣ ଆପର ବିଧାୟକ ଥିବାବେଳେ 3 ଜଣ ବିଜେପି ବିଧାୟକ ରହିଛନ୍ତି । ଦିଲ୍ଲୀ ବିଧାନସଭାରେ ମତଦାନ ସାବ୍ୟସ୍ତ କରିବେ ମୋଟ 1କୋଟି 46 ଲକ୍ଷ 92 ହଜାର 136 ଜଣ ଭୋଟର । ଭୋଟ ଦେବା ପାଇଁ ମୋଟ 13,750 ମତଦାନ କେନ୍ଦ୍ର ରହିବ ।
