ତାଜ ହୋଟେଲରେ ୮୪ ଲକ୍ଷ ଖର୍ଚ୍ଚ କରିଥିଲେ ପ୍ରଦୀପ ପାଣିଗ୍ରାହୀ !
ତାଜ ହୋଟେଲରେ ୮୪ ଲକ୍ଷ ଖର୍ଚ୍ଚ କରିଥିଲେ ପ୍ରଦୀପ ପାଣିଗ୍ରାହୀ !
admin
3623
ଭୁବନେଶ୍ୱର : କରୋନା ବେଳେ କିଏ ଚାକିରୀ ହରାଇଥିଲା ତ କିଏ ପୀଡ଼ିତ ହୋଇ ଚିକିତ୍ସିତ ହେଉଥିଲେ । ଆଉ କିଏ ସ୍କୁଲ ଘର କୋଭିଡ଼ ସେଂଟରରେ ଦିନ ଦିନ ରହିବାକୁ ବାଧ୍ୟ ହୋଇଥିଲେ । ହେଲେ ବିଜେଡ଼ି ବିଧାୟକ ପ୍ରଦୀପ କୁମାର ପାଣିଗ୍ରାହୀ କିନ୍ତୁ ତାଜ ହୋଟେଲରେ ଅୟସ କରୁଥିଲେ । ତାଜରେ ରହିବା ପାଇଁ ସେ ଖର୍ଚ୍ଚ କରିଥିଲେ ୮୪ ଲକ୍ଷ ଟଙ୍କା । ଯାହାକୁ ନେଇ ଏବେ ସାରା ରାଜ୍ୟରେ ଚର୍ଚ୍ଚା ଆରମ୍ଭ ହୋଇଯାଇଛି ।
ସେହି ସମୟରେ ଲୋକେ ଚାଲିଚାଲି ଘରକୁ ଫେରୁଥିବାବେଳେ ଚାର୍ଟାଡ଼ ପ୍ଲେନରେ ଉଡ଼ୁଥିଲେ ପ୍ରଦୀପ । ଅଗଷ୍ଟ ୫ରେ ସେ ନିଜ ପରିବାରର ୧୩ ଜଣଙ୍କୁ ନେଇ ପୁଣେରୁ ପାଟନା ଓ ପରେ ପାଟନାରୁ ଭୁବନେଶ୍ୱରକୁ ଯାତ୍ରା କରିଥିଲେ । ଭିନ୍ନ ଭିନ୍ନ କମ୍ପାନୀର ବିମାନରେ ଉଡ଼ୁଥିଲେ ପ୍ରଦୀପ । ଚଳିତ ବର୍ଷ ୨୬ ଅଗଷ୍ଟରେ ୧୦ ଜଣ ସଦସ୍ୟଙ୍କୁ ନେଇ ସେ ମୁମ୍ବାଇରୁ ଦିଲ୍ଲୀ, ଅଗଷ୍ଟ ୨୮ରେ ଦିଲ୍ଲୀରୁ ଭୁବନେଶ୍ୱର ଯାତ୍ରା କରିଛନ୍ତି । ଖାଲି ସେତିକିନୁହେଁ ମାଚ୍ଚ ୨୩ରେ ସେ ପରିବାରର ୫ ସଦସ୍ୟଙ୍କ ସହ ପୁଣେରୁ ଭୁବନେଶ୍ୱରକୁ ବିମାନ ଯାତ୍ରା କରିଥିଲେ । ଅଗଷ୍ଟରେ କେବଳ ମୁମ୍ବାଇରେ ତାଜ ହୋଟେଲରେ ସେ ୮୪ ଲକ୍ଷ ଟଙ୍କା ଉଡ଼ାଇ ଦେଇଥିଲେ ।
