ଟ୍ରାଭେଲ ରେଜିଷ୍ଟ୍ରସନ ନଥିବାରୁ ଭୁବନେଶ୍ୱରରେ ଆକ୍ରାନ୍ତଙ୍କ ସଂଖ୍ୟା ବଢୁଛି : କମିଶନର
ଟ୍ରାଭେଲ ରେଜିଷ୍ଟ୍ରସନ ନଥିବାରୁ ଭୁବନେଶ୍ୱରରେ ଆକ୍ରାନ୍ତଙ୍କ ସଂଖ୍ୟା ବଢୁଛି : କମିଶନର
admin
6356
ଭୁବନେଶ୍ୱର: ପୁଣି ନିଜର କାୟା ବିସ୍ତାର କରି ଚାଲିଛି କରୋନା। ଓଡ଼ିଶାରେ କରୋନା ଗ୍ରାଫ ଧୀରେ ଧୀରେ ଉପରମୁହାଁ ହେଉଛି । ଦିନକୁ ଦିନ କରୋନା ଲମ୍ବଡିଆଁ ମାରୁଛି । ଗତ କିଛି ଦିନ ହେଲା ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି । ରାଜ୍ୟରେ କରୋନା ଚିତ୍ର ଦିନକୁ ଦିନ ଭୟାନକ ଆଡ଼କୁ ଯାଉଛି । ବର୍ତ୍ତମାନ ସ୍କୁଲ ଓ କଲେଜରେ କରୋନା ସଂକ୍ରମିତ ଚିହ୍ନଟ ଖବର ସାମନାକୁ ଆସୁଛି । ତେବେ ଏହାରି ଭିତରେ ରାଜଧାନୀ ଭୁବନେଶ୍ୱରେ କରୋନା ପଜିଟିଭ ସଂଖ୍ୟା ବୃଦ୍ଧିର କାରଣ ସମ୍ପର୍କରେ ମତ ରଖିଛନ୍ତି ବିଏମସି କମିଶନର । ସେ କହିଛନ୍ତି ଯେ, ପ୍ରତିଦିନ ବିମାନବନ୍ଦର ଓ ଷ୍ଟେସନରୁ ୫ରୁ ୧୦ ଜଣ ସଂକ୍ରମିତ ବାହାରୁଛନ୍ତି । ଟ୍ରାଭେଲ ରେଜିଷ୍ଟ୍ରସନ ନଥିବାରୁ ଭୁବନେଶ୍ୱରରେ ଆକ୍ରାନ୍ତଙ୍କ ସଂଖ୍ୟା ବଢୁଛି ବୋଲି କମିଶନର କହିଛନ୍ତି ।
ଅନ୍ୟପକ୍ଷରେ ବର୍ତ୍ତମାନ ବିଏମସିରେ ବେଡ ସଂଖ୍ୟା ୧୫୦ ଅଛି । ଖୁବ ଶୀଘ୍ର ବଢିବ । ଆମର ଏନଫୋର୍ସମେଣ୍ଟ ଟିମ କାମ କରୁଛି । ପ୍ରଚାର ପ୍ରସାର କରାଯାଉଛି । ୩ଟି ଜେନାରେ ସ୍କ୍ୱାଡ ଗଠନ ହୋଇ ଚେକିଂ ଜାରି ରହିଛି ବୋଲି ବିଏମସି କମିଶନର କହିଛନ୍ତି ।
