ଝାଡ଼ଖଣ୍ଡ କଂଗ୍ରେସ-ଜେଏମଏମକୁ ଝଟକା, ବିଜେପିରେ ଯୋଗ ଦେଲେ ୬ ବିଧାୟକ
ଝାଡ଼ଖଣ୍ଡ କଂଗ୍ରେସ-ଜେଏମଏମକୁ ଝଟକା, ବିଜେପିରେ ଯୋଗ ଦେଲେ ୬ ବିଧାୟକ
admin
5969
ରାଞ୍ଚି : ଝାଡ଼ଖଣ୍ଡର ବିରୋଧୀ ଦଳ କଂଗ୍ରେସ ଏବଂ ଜେଏମଏମ (ଝାଡ଼ଖଣ୍ଡ ମୁକ୍ତି ମୋର୍ଚ୍ଚା) କୁ ଶକ୍ତ ଝଟକା ଲାଗିଛି । ଆଜି ଜେଏମଏମ ବିଧାୟକ କୁନାଲ ସାରଙ୍ଗୀ, ଜେପି ଭାଇ ପଟେଲ, ଚମରା ଲିଣ୍ଡା, କଂଗ୍ରେସ ବିଧାୟକ ସୁଖଦେବ ଭଗତ ଏବଂ ମନୋଜ ଯାଦବ, ନବ ଯବାନ ସଂଘର୍ଷ ମୋର୍ଚ୍ଚା ବିଧାୟକ ଭାନୁ ପ୍ରତାପ ସାହି ବିଜେପିରେ ସାମିଲ ହୋଇଛନ୍ତି । କଂଗ୍ରେସ ବରିଷ୍ଠ ନେତା ମନୋଜ ଯାଦବ ମଧ୍ୟ ବିଜେପିରେ ଯୋଗ ଦେଇଛନ୍ତି । କିଛି ଅବସରପ୍ରାପ୍ତ ଆଇଏଏସ, ଆଇପିଏସ ମଧ୍ୟ ବିଜେପିରେ ଯୋଗ ଦେଇଛନ୍ତି । ଏମାନଙ୍କ ମଧ୍ୟରେ ଅଛନ୍ତି ଡିଜିପି ଡିକେ ପାର୍ଶେ, ପୂର୍ବତନ ଆଇପିଏସ ଏବଂ କଂଗ୍ରେସ ନେତା ଅରୁଣ ଓରାଆନ, ଏବଂ ପୂର୍ବତନ ଆଇଏଏସ ସୁଚିତ୍ରା ଏବଂ ଆରପି ଶାହି । ଉପରୋକ୍ତ ନୂଆ ସଦସ୍ୟମାନେ ଆଜି ଝାଡ଼ଖଣ୍ଡ ମୁଖ୍ୟମନ୍ତ୍ରୀ ରଘୁବର ଦାସ, ବିଜେପି ରାଜ୍ୟ ଅଧ୍ୟକ୍ଷ ଲକ୍ଷ୍ମଣ ଗିଲୱା ଏବଂ ଦଳର ନିର୍ବାଚନ ପ୍ରଭାରୀ ନନ୍ଦ କିଶୋର ଯାଦବଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଛନ୍ତି ।
