ଜେଲରେ ରାମ ରହିମଙ୍କୁ ଭେଟିଲେ ହନିପୀତ୍

Dec 10, 2019 - 11:45 Updated: Dec 10, 2019 - 11:45

3237

ନୂଆଦିଲ୍ଲୀ : ପଞ୍ଚକୁଳା ହିଂସାର ମୁଖ୍ୟ ଅଭିଯୁକ୍ତ ତଥା ଡେରା ମୁଖିଆ ଗୁରମିତ ରାମ ରହିମଙ୍କୁ ସୁନାରିଆ ଜେଲରେ ତାଙ୍କ ପାଳିତ କନ୍ୟା ହନିପ୍ରୀତ ସାକ୍ଷାତ କରିଛନ୍ତି । ହନିପ୍ରୀତ ସୋମବାର ଅପରାହ୍ନ ୨ ଟାରୁ ୩ ଟା ପର୍ଯ୍ୟନ୍ତ ବାବାଙ୍କୁ ଭେଟିଥିଲେ । ହନିପ୍ରୀତ ସହ ତିନି ଜଣ ଓକିଲ ରାମ ରହିମଙ୍କୁ ଦେଖା କରିଥିଲେ । ନଭେମ୍ବର ୬ ରେ ହନିପ୍ରୀତ ଜେଲରୁ ଜାମିନରେ ମୁକୁଳିଥିଲେ । ଜେଲରୁ ବାହାରିବା ପରେ ସେ ଶୀରଷା ଡେରାରେ ରହୁଥିଲେ । ପରେ ଗୁରମିତ ରହିମଙ୍କୁ ଦେଖା କରିପାରନ୍ତି ବୋଲି ଅନୁମାନ କରାଯାଉଥିଲା । ନିୟମ ଅନୁସାରେ ହନିପ୍ରୀତ ରହିମଙ୍କୁ ଭେଟିବା ସମ୍ଭବ ନଥିଲା । କାରଣ ରହିମଙ୍କୁ ଭେଟିବା ପାଇଁ ତାଙ୍କ ପରିବାରର ଯେଉଁ ୧୦ ଜଣ ସଦସ୍ୟଙ୍କ ନାମ ଜେଲ ରେଜିଷ୍ଟରରେ ଉଲ୍ଲେଖ ରହିଛି, ସେଥିରେ ହନିପ୍ରୀତ ନାମ ଉଲ୍ଲେଖ ନଥିଲା । ତେବେ ଜେଲରେ ରହିମଙ୍କୁ ଦେଖା କରିବା ପାଇଁ ହନିପ୍ରୀତ ଜେଲ ପ୍ରଶାସନ ନିକଟରେ ଆବେଦନ କରିଥିଲେ ଓ ପ୍ରଶାସନ ଏଥିପାଇଁ ଅନୁମତି ଦେଇଥିଲେ ।