ଜାରି ରହିଛି ଶେଷ ପର୍ଯ୍ୟାୟ ମତଦାନ
ଜାରି ରହିଛି ଶେଷ ପର୍ଯ୍ୟାୟ ମତଦାନ
admin
4215
ଭୁବନେଶ୍ୱର : ରାଜ୍ୟର ଅନ୍ତିମ ପର୍ଯ୍ୟାୟ ନିର୍ବାଚନ ଜାରିରହିଛି । ୧୦୭୯୨ ବୁଥରେ ଭୋଟରମାନେ ମତଦାନ କରୁଛନ୍ତି । ଅବଶ୍ୟ କେତେକ ବୁଥରେ ବୈଷୟିକ ତ୍ରୁଟି ଯୋଗୁଁ ମତଦାନ ବିଳମ୍ବିତ ହୋଇଛି । ୬ ଲୋକସଭା ଓ ୪୧ ବିଧାନସଭା ପାଇଁ ମୋଟ ୩୮୮ ଜଣ ପ୍ରାର୍ଥୀ ହୋଇଛନ୍ତି । ଲୋକସଭା ପାଇଁ ୫୨ ଜଣ ପ୍ରାର୍ଥୀ ହୋଇଥିବାବେଳେ ବିଧାନସଭା ପାଇଁ ୩୩୬ ଜଣ ପ୍ରାର୍ଥୀ ହୋଇଛନ୍ତି । ଏହି ପର୍ଯ୍ୟାୟରେ ମୋଟ ୩ ହଜାର ୯୨ଟି ସମ୍ବେଦନଶୀଳ ବୁଥ ଚିହ୍ନଟ କରାଯାଇଛି । ସେଥିରୁ ୪୧୧ ପାଇଁ ସିଏପିଏଫ ସୁରକ୍ଷା ବଳ ମୁତୟନ କରାଯିବା ସହ ୧୧୨୬ ବୁଥରେ ୱେବ କାଷ୍ଟିଂ, ୫୫୪ରେ ସିସିଟିଭି, ୫୯୫ରେ ମାଇକ୍ରୋ ଅବଜରଭର, ୨୪୦ ବୁଥର ଭିଡ଼ିଓଗ୍ରାଫି, ୧୬୬ରେ ଫଟୋ ଉଠାଇବାର ବ୍ୟବସ୍ଥା କରାଯାଇଛି । ସେହିପରି ପ୍ରଥମ ଥର ପାଇଁ ଜଗତସିଂହପୁର ଲୋକସଭା ନିର୍ବାଚନମଣ୍ଡଳୀର ୪ ବୁଥରେ ସମ୍ପୂର୍ଣ୍ଣ ଭାବେ ଦିବ୍ୟାଙ୍ଗ ପୋଲିଂ ଅଧିକାରୀ ଭୋଟଗ୍ରହଣ କାର୍ଯ୍ୟ ନିର୍ବାହ କରିବେ ।
