ଜଣେ ମହିଳା ନବୀନ ନିବାସ ସମ୍ମୁଖରେ ଆତ୍ମାହୁତି ଦେବାକୁ ଉଦ୍ୟମ, କାରଣ କଣ ଜାଣନ୍ତୁ
ଜଣେ ମହିଳା ନବୀନ ନିବାସ ସମ୍ମୁଖରେ ଆତ୍ମାହୁତି ଦେବାକୁ ଉଦ୍ୟମ, କାରଣ କଣ ଜାଣନ୍ତୁ
admin
6265
ଭୁବନେଶ୍ୱର: ଲକଡାଉନ ତଥା ପୁଲିସର କଡ଼ା ପଇଁତରା ମଧ୍ୟରେ ବୁଧବାର ନବୀନ ନିବାସ ସମ୍ମୁଖରେ ଏକ ଅଭାବନୀୟ ଘଟଣା ଘଟିଛି । ଗତ ବିଧାନସଭା ଅଧିବେଶନ ବେଳେ ବିଭିନ୍ନ ମାମଲାରେ ନ୍ୟାୟ ନପାଇ ବହୁ ବ୍ୟକ୍ତି ଓ ମହିଳା ବିଧାନସଭା ଆଗରେ ଆତ୍ମାହୁତି ଦେବାକୁ ଉଦ୍ୟମ କରିଥିବାବେଳେ ଆଜି ଜଣେ ମହିଳା ନବୀନ ନିବାସ ସମ୍ମୁଖରେ ଆତ୍ମାହୁତି ଦେବାକୁ ଉଦ୍ୟମ କରିଛନ୍ତି ।
ଡେଲାଙ୍ଗ ଅଞ୍ଚଳର ଲୋପାମୁଦ୍ରା ନାମକ ଜଣେ ମହିଳା ଆତ୍ମାହୁତି ଦେବାକୁ ଉଦ୍ୟମ କରିଛନ୍ତି । ସ୍ୱାମୀଙ୍କ ବିରୋଧରେ ଅଭିଯୋଗ ଆଣି ସେ ଆତ୍ମାହୁତି ଉଦ୍ୟମ କରିଛନ୍ତି । ଲୋକଙ୍କୁ ଠକିବା ସହ ତାଙ୍କ ସ୍ୱାମୀ ତାଙ୍କୁ ନିର୍ଯାତନା ଦେଉଥିବା ଲୋପାମୁଦ୍ରା ଅଭିଯୋଗ କରିଛନ୍ତି । ଏନେଇ ସେ ପୁଲିସ ନିକଟରେ ଅଭିଯୋଗ କରିଆସୁଥିଲେ ମଧ୍ୟ ପୁଲିସ ତାଙ୍କ ସ୍ୱାମୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପରିବର୍ତ୍ତେ ତାଙ୍କୁ ସହଯୋଗ କରୁଥିବା ଲୋପାମୁଦ୍ରା ଅଭିଯୋଗ କରିଛନ୍ତି । ତେବେ ପୁଲିସ ଠାରୁ ନ୍ୟାୟ ନପାଇ ଶେଷରେ ଲୋପାମୁଦ୍ରା ଆତ୍ମାହୁତି ଦେବାକୁ ଉଦ୍ୟମ କରିଛନ୍ତି । ସେଠାରେ ଉପସ୍ଥିତ ସୁରକ୍ଷାକର୍ମୀ ମହିଳାଙ୍କୁ କାବୁ କରି ଏୟାରଫିଲ୍ଡ ଥାନାକୁ ନେଇଯାଇଥିବା ସୂଚନା ମିଳିଛି।
