ଚାଇନାକୁ ଲେଉଟିଲା କରୋନା : ଆଉ ୭୮ ପଜିଟିଭ
ଚାଇନାକୁ ଲେଉଟିଲା କରୋନା : ଆଉ ୭୮ ପଜିଟିଭ
admin
6017
ବେଜିଂ : ପାଂଚ ଦିନ ଧରି ଚାଇନାରେ ଗୋଟିଏ ବି ନୂତନ କରୋନା ପଜିଟିଭ କେଶ ଦେଖିବାକୁ ମିଳିନଥିଲା । ଫଳରେ ଚାଇନାରୁ କରୋନା ହଟୁଛି ବୋଲି ଏକ ବାର୍ତା ଖେଳି ଯାଇଥିଲା । କିନ୍ତୁ ଆଜି ଗୋଟିଏ ଦିନରେ ୭୮ ବ୍ୟକ୍ତିଙ୍କ ଦେହରେ କରୋନା ସଂକ୍ରମିତ ହୋଇଥିବା ଜଣାପଡ଼ିଛି । ତେବେ ଏମାନଙ୍କ ମଧ୍ୟରୁ ୭୪ ଜଣ ବିଦେଶରୁ ଆସିଥିବା ଜଣାପଡ଼ିଛି ।
ସୂଚନାଯୋଗ୍ୟଯେ, ଗତବର୍ଷ ଡିସେମ୍ବରରୁ ଚାଇନାର ଉହାନ ସହରରେ କରୋନା ବ୍ୟାପିବା ଆରମ୍ଭ କରିଥିଲା । ଏବେ ଏହା ବିଶ୍ୱର ପ୍ରାୟ ୧୯୦ ଦେଶକୁ ଛୁଇଁସାରୀଛି । ଚୀନରେ କରୋନା ଯୋଗୁଁ ୩୨୭୦ ଜଣଙ୍କର ମୃତୁ୍ୟ ହୋଇଥିବାବେଳେ ୮୧ ହଜାରରୁ ଉଦ୍ଧ୍ୱର୍ ସଂକ୍ରମିତ ଅଛନ୍ତି । ଅପରପକ୍ଷରେ ଚାଇନା ତୁଳନାରେ ଇଟାଲୀର ଅବସ୍ଥା ସଂକଟାପନ୍ନ ହୋଇଯାଇଛି । ବିଶ୍ୱରେ ଉନ୍ନତମାନର ସ୍ୱାସ୍ଥ୍ୟସେବା ଯୋଗାଇବାରେ ଖ୍ୟାତି ଅର୍ଜନ କରିଥିବା ଇଟାଲୀରେ ଏବେ ଚାଇନାଠାରୁ ମଧ୍ୟ ଅଧିକ ଲୋକଙ୍କର ମୃତୁ୍ୟ ଘଟିସାରିଛି ।
