ଚଳିତ ଆଇପିଏଲରେ ସର୍ବାଧିକ କ୍ଷତିଗ୍ରସ୍ତ ହୋଇଛି ରାଜସ୍ଥାନ ରୟାଲସ

Apr 27, 2021 - 09:30 Updated: Apr 27, 2021 - 09:30

6096

ଅହମ୍ମଦାବାଦ: ଚଳିତ ଆଇପିଏଲରେ ସର୍ବାଧିକ କ୍ଷତିଗ୍ରସ୍ତ ହୋଇଛି ରାଜସ୍ଥାନ ରୟାଲସ । ୨୦୦୮ ଚାମ୍ପିଅନ ଦଳରେ ଏବେ ଖେଳାଳି ଅଭାବ ଦେଖାଦେଇଛି । ଦଳର ୪ ଜଣ ବିଦେଶୀ ଖେଳାଳି ଇତି ମଧ୍ୟରେ ଓହରି ଯାଇଛନ୍ତି । ସେମାନଙ୍କ ସ୍ଥାନ ପୂରଣ କରିବା ପାଇଁ ଅନ୍ୟ ବିଦେଶୀ ଖେଳାଳି ନାହାନ୍ତି । ବର୍ତ୍ତମାନ ଭାରତରେ କରୋନା ସଂକ୍ରମଣ ଭୟ ରହିଛି । ତେଣୁ ଅଧିକାଂଶ ଖେଳାଳି ଭାରତ ଆସିବାକୁ ଚାହୁଁନାହାନ୍ତି । ଫଳରେ ରାଜସ୍ଥାନ ରୟାଲ୍ସ ଅନ୍ୟ ଦଳମାନଙ୍କ ଠୁ ବିଦେଶୀ ଖେଳାଳିଙ୍କୁ ଭଡ଼ାରେ ଆଣିବାକୁ ଯୋଜନା କରୁଛି । ଇତି ମଧ୍ୟରେ ରୟାଲସ ଦଳ ପକ୍ଷରୁ ଅନ୍ୟ ଫ୍ରାଞ୍ଚାଇଜମାନଙ୍କୁ ଲିଖିତ ଅନୁରୋଧ କରାଯାଇଥିବା ଜଣାପଡ଼ିଛି । ଖେଳାଳି ବଦଳ ଆରମ୍ଭ ହେବ । ନିୟମ ଅନୁଯାୟୀ ନିଜ ଫ୍ରାଞ୍ଚାଇଜ ପକ୍ଷରୁ ୨ଟି କିମ୍ବା କମ ମ୍ୟାଚ ଖେଳିଥିବା ଖେଳାଳିଙ୍କୁ କରଜ ସୂତ୍ରରୁ ଅନ୍ୟ ଏକ ଫ୍ରାଞ୍ଚାଇଜ ନେଇପାରିବେ । ଉକ୍ତ ଜଣକ କେବଳ ନିଜ ପ୍ରଥମ ପ୍ରାଞ୍ଚାଇଜ ଦଳକୁ ଛାଡ଼ି ଅନ୍ୟ ସମସ୍ତ ଦଳ ବିପକ୍ଷରେ ଖେଳିପାରିବେ ।