ଲଗାତାର ଅପରାଜୟ ରହି ବିଶ୍ବକପ ସେମି ଫାଇନାଲରେ ଭାରତ

admin admin
Nov 3, 2023 - 13:18
7239
ଲଗାତାର ଅପରାଜୟ ରହି ବିଶ୍ବକପ ସେମି ଫାଇନାଲରେ ଭାରତ

ନୂଆଦିଲ୍ଲୀ:  ଅନ୍ତର୍ଜାତୀୟ କ୍ରିକେଟ୍‌ ପରିଷଦ (ଆଇସିସି) ଦ୍ବାରା ପରିଚାଳିତ ଦିନିକିଆ ବିଶ୍ବକପ୍‌-୨୦୨୩ରେ ଗୁରୁବାର ଭାରତୀୟ ଖେଳାଳୀ ଦମଦାର ପ୍ରଦର୍ଶନ ସହ  ବିଶାଳ ବିଜୟ ହାସଲ କରିଛନ୍ତି। ଶ୍ରୀଲଙ୍କା ବିପକ୍ଷରେ ବିଶାଳ ୩୦୨ ରନ ସ୍କୋର କରି ବିଜୟ ହେବା ସହ ବିଶ୍ବକପ ସେମି ଫାଇନାଲକୁ ଉନ୍ନିତ ହୋଇଛି। ୩୦୨ ରନରେ ଶ୍ରୀଲଙ୍କାକୁ ହରାଇ ଭାରତ ସେମିରେ ପହଞ୍ଚିଛି। ଅପରପକ୍ଷରେ ୧୯.୪ ଓଭରରେ ମାତ୍ର ୫୫ ରନ କରି ଶ୍ରୀଲଙ୍କା ଅଲଆଉଟ ହୋଇଥିଲା।   ବିଶ୍ବକପରେ ଏହା ଭାରତର ଲଗାତାର ସପ୍ତମ ବିଜୟ। ସେହିପରି ଚଳିତ ବିଶ୍ବକପରେ ଲଗାତାର ଅପରାଜୟ ରହି ଭାରତ ସେମି ଫାଇନାଲକୁ ଉନ୍ନୀତ ହୋଇଛି। ବିରାଟ କୋହଲି, ଶୁବମନ୍‌ ଗିଲ ଓ ଶ୍ରେୟସ ଆୟର ବିସ୍ଫୋରକ ବ୍ୟାଟିଂ ଯୋଗୁ ଶ୍ରୀଲଙ୍କାକୁ ୩୫୮ ରନ୍‌ର ଟାର୍ଗେଟ ଦେଇଥିଲା ଭାରତ। ତେବେ ଭାରତୀୟ ବୋଲରଙ୍କ ମାପଚୁପ ବୋଲିଂ ଯୋଗୁ ଶ୍ରୀଲଙ୍କା ମାତ୍ର ୫୫ ରନରେ ଆଉଟ ହୋଇଯାଇଥିଲା।  ମହମ୍ମଦ ସାମି ୫ଟି ଓ ମହମ୍ମଦ ସିରାଜ ୩ଟି ୱିକେଟ ନେଇ ଭାରତକୁ ବିଜୟୀ କରାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ସେହିପରି ଭାରତୀୟ ଦ୍ରୁତ ବୋଲର ଯଶପ୍ରୀତ ବୁମରା ଶ୍ରୀଲଙ୍କାର ପ୍ରଥମ ୱିକେଟ ନେଇଥିବା ବେଳେ ସ୍ପିନର ରବୀନ୍ଦ୍ର ଜାଡେଜା‌ ଶେଷ ୱିକେଟ ନେଇଛନ୍ତି। ଏଥି ସହିତ ଭାରତ ପ୍ରଥମ ଦଳ ଭାବେ ଚଳିତ ବିଶ୍ବକପ୍‌ର ସେମିଫାଇନାଲରେ ପହଞ୍ଚି ପାରିଛି। ଚଳିତ ବିଶ୍ବକପରେ ଭାରତ ଏପର୍ୟ୍ୟନ୍ତ ୭ଟି ମ୍ୟାଚ୍‌ ଖେଳିଛି ଏବଂ ସବୁ ମୁକାବିଲାରେ ବିଜୟ ହାସଲ କରିଛି।