କେନ୍ଦ୍ରକୁ ସୁପି୍ରମକୋର୍ଟଙ୍କ ନିଦେ୍ର୍ଧଶ, ୧.୨ ଲକ୍ଷ ଦେହଜୀବୀଙ୍କୁ ସହାୟତା ଦିଅ
କେନ୍ଦ୍ରକୁ ସୁପି୍ରମକୋର୍ଟଙ୍କ ନିଦେ୍ର୍ଧଶ, ୧.୨ ଲକ୍ଷ ଦେହଜୀବୀଙ୍କୁ ସହାୟତା ଦିଅ
admin
6167
ନୂଆଦିଲ୍ଲୀ: ସୁପି୍ରମକୋର୍ଟ ସୋମବାର କେନ୍ଦ୍ର ସରକାରଙ୍କୁ ନିଦେ୍ର୍ଧଶ ଦେଇଛନ୍ତି କି ନିର୍ଦ୍ଧିଷ୍ଟ କେତୋଟି ରାଜ୍ୟରେ ରହୁଥିବା ପ୍ରାୟ ୧.୨ ଲକ୍ଷ ଦେହଜୀବୀଙ୍କୁ ସରକାର ତୁରନ୍ତ ରାସନ ସାମଗ୍ରୀ, ଆର୍ଥିକ ସହାୟତା, ସାବୁନ, ସାନିଟାଇଜର ଏବଂ ମାସ୍କ ପ୍ରଦାନ କରୁନ୍ତୁ । ଲକଡାଉନ ଓ ପ୍ରବାସୀ ଶ୍ରମିକମାନେ ନିଜ ନିଜ ରାଜ୍ୟକୁ ଫେରିଯିବା ଯୋଗୁଁ ଲକ୍ଷ ଲକ୍ଷ ଦେହଜୀବୀ ରୋଜଗାର ହରାଇଛନ୍ତି ଏବଂ ବହୁ ଅସୁବିଧା ଭିତରେ କାଳାତିପାତ କରୁଛନ୍ତି । ତେଣୁ ସେମାନଙ୍କ ସମସ୍ୟା ଉପରେ ଦୃଷ୍ଟି ଦେବାକୁ ଦାବି କରି ଦାୟର ମାମଲାର ଶୁଣାଣି କରି ଅଦାଲତ ଏହି ନିଦେ୍ର୍ଧଶ ଜାରି କରିଛନ୍ତି । ବିଚାରପତି ଏଲ ନାଗେଶ୍ୱର ରାଓ ଏବଂ ହେମନ୍ତ ଗୁପ୍ତାଙ୍କୁ ନେଇ ଗଠିତ ଏକ ଖଣ୍ଡପୀଠ ଏହି ନିଦେ୍ର୍ଧଶ ଦେଇଛନ୍ତି । ଦେହଜୀବୀମାନଙ୍କ ଦ୍ୱାରା ପରିଚାଳିତ ଏକ ଏନଜିଓ ‘ଦରବାର ମହିଳା ସମନ୍ୱୟ କମିଟି’ ଦ୍ୱାରା ଏହି ମାମଲା ଦାୟର କରାଯାଇଥିଲା । ଏନଜିଓ ଦର୍ଶାଇଥିଲା କି ଆନ୍ଧ୍ରପ୍ରଦେଶ, ତେଲେଙ୍ଗାନା, ମହାରାଷ୍ଟ୍ର, କର୍ଣ୍ଣାଟକ ଓ ତାମିଲନାଡୁରେ ରହୁଥିବା ପ୍ରାୟ ୧.୨ ଲକ୍ଷ ଦେହଜୀବୀଙ୍କ ସମ୍ପର୍କରେ ଏକ ସର୍ଭେ କରାଯାଇଥିଲା । ଏଥିରୁ ଜଣାପଡ଼ିଥିଲା କି ପ୍ରାୟ ୯୬% ଅର୍ଥାତ ୧,୧୫,୩୭୪ ଜଣ ଦେହଜୀବୀ ଓ କିନ୍ନର କରୋନା ଜନିତ ଲକଡାଉନ ଯୋଗୁ ରୋଜଗାର ହରାଇଛନ୍ତି । ସେମାନଙ୍କ ଭିତରୁ ୭୧% ଙ୍କ ପାଖରେ ରୋଜଗାରର ଅନ୍ୟ କିଛି ପନ୍ଥା ନାହିଁ । ଯେଉଁମାନଙ୍କ ପାଖରେ ରୋଜଗାର ପାଇଁ ଅନ୍ୟ କିଛି ପନ୍ଥା ନାହିଁ, ସେମାନଙ୍କ ଦିନକୁ ତିନି ଥର ଖାଇବା ପାଇଁ ଅର୍ଥ ଯୋଗାଡ଼ କରିପାରୁନାହାନ୍ତି । ତେଣୁ ସେମାନେ ଅତି ଅସହାୟ ହୋଇପଡ଼ିଛନ୍ତି । ଏହି କାରଣରୁ ସରକାର ତୁରନ୍ତ ସେମାନଙ୍କୁ ସାଧାରଣ ବଣ୍ଟନ ପ୍ରକି୍ରୟାରେ ବିଭିନ୍ନ ରାସନ ସାମଗ୍ରୀ ଯୋଗାଇ ଦିଅନ୍ତୁ ।
