କାର୍ତ୍ତକ ଆର୍ଯ୍ୟନଙ୍କୁ ଚେତାବନୀ ଦେଲେ ସଲମାନ ଖାନ୍
କାର୍ତ୍ତକ ଆର୍ଯ୍ୟନଙ୍କୁ ଚେତାବନୀ ଦେଲେ ସଲମାନ ଖାନ୍
admin
ମୁମ୍ବାଇ: କାର୍ତ୍ତିକ ଆର୍ଯ୍ୟନ୍ ସଲମାନ ଖାନଙ୍କ ଗୀତ ‘କ୍ୟାରେକ୍ଟର ଢ଼ିଲା'ର ରିମେକ୍ ପାଇଁ କିଛି ଲୋକ ତାଙ୍କୁ ଟ୍ରୋଲ କରିଥାଇ ପାରନ୍ତି, କିନ୍ତୁ ଭାଇଜାନ ସଲମାନଙ୍କ ତରଫରୁ ଆସିଛି ପ୍ରଶଂସା । ଯେତେବେଳେ ସଲମାନ ସୋସିଆଲ ମିଡିଆରେ ସୁଟିଂ ହୋଇଥିବା ‘କ୍ୟାରେକ୍ଟର ଢିଲା ୨.୦' ଚରିତ୍ରକୁ ସେୟାର କରିଥିଲେ ସେତେବେଳେ କାର୍ତ୍ତିକଙ୍କ ଖୁସିର କୌଣସି ସୀମା ନଥିଲା । କିନ୍ତୁ ଏହି ଗୀତରେ ଏକ ଡ୍ୟାନ୍ସ ଷ୍ଟେପ ଉପରେ ସଲମାନ କାର୍ତ୍ତିକ ଆର୍ଯ୍ୟନଙ୍କୁ ମଧ୍ୟ ଚେତାବନୀ ଦେଇଛନ୍ତି । ନିକଟରେ ଏକ ସାକ୍ଷାତକାରରେ କାର୍ତ୍ତିକ ଏହି ବିଷୟରେ କହିଥିଲେ ।
କାର୍ତ୍ତିକ ଆର୍ଯ୍ୟନଙ୍କ ‘କ୍ୟାରେକ୍ଟର ଢିଲା ୨.୦' ପ୍ରଶଂସକଙ୍କ ଧମାମେଦାର ପ୍ରତିକ୍ରିୟା ମିଳିଛି । କାର୍ତ୍ତିକ ଆର୍ଯ୍ୟନଙ୍କ ନୃତ୍ୟ ମଧ୍ୟ ବହୁତ ପ୍ରଶଂସା କରାଯାଉଛି । କାର୍ତ୍ତିକଙ୍କ ଡ୍ୟାନ୍ସ ପାଇଁ ତାଙ୍କୁ ପ୍ରଶଂସକଙ୍କ ମହଲରୁ ବହୁତ ଭଲପାଇବା ମିଳିଛି । କାର୍ତ୍ତିକଙ୍କ ଫିଲ୍ମ ‘ଶେହଜାଦା'ରେ ସଲମାନ ଖାନଙ୍କ ଅଭିନୀତ ‘ରେଡି'ର ‘କ୍ୟାରେକ୍ଟର ଢିଲା' ଗୀତକୁ ରିମେକ ଶୈଳୀରେ ଅନ୍ତର୍ଭୁକ୍ତ କରାଯାଇଛି । ଏହି ଗୀତରେ କାର୍ତ୍ତିକ ଆର୍ଯ୍ୟନଙ୍କର ଏକ ନୂଆ ଶୈଳୀ ଦେଖିବାକୁ ମିଳିଛି ।
କାର୍ତ୍ତିକଙ୍କୁ ସଲମାନ ଏହି ଚେତାବନୀ ଦେଇଛନ୍ତି
କାର୍ତ୍ତିକ ଆର୍ଯ୍ୟନ୍ ସଲମାନଙ୍କ ସମର୍ଥନ ଏବଂ ତାଙ୍କ ଚେତାବନୀ ବିଷୟରେ କହିଛନ୍ତି, ‘ଯେତେବେଳେ ମୁଁ ଏହି ଗୀତ କରିବାର ସୁଯୋଗ ପାଇଲି, ଏହା କେବଳ ମୋ ପାଇଁ ନୁହେଁ ସମଗ୍ର ଟିମ୍ ପାଇଁ ଏକ ବଡ଼ କଥା ଥିଲା । ଏହି ଗୀତରେ ସଲମାନ ସାର୍ ଆମକୁ ବହୁତ ସମର୍ଥନ କରିଥିଲେ ଏବଂ ଏହା ଆମ ପାଇଁ ଏକ ବଡ କଥା । ବର୍ତ୍ତମାନ ଏହି ଗୀତଟି ବହୁତ ଭଲ ପ୍ରଦର୍ଶନ କରୁଛି ଏବଂ ଆମେ ଯେଉଁଆଡେ ଯାଉଛୁ ଆମେ ଆଶ୍ଚର୍ଯ୍ୟଜନକ ପ୍ରତିକ୍ରିୟା ପାଇଛୁ । ଗୀତକୁ ସମର୍ଥନ କରିଥିବାରୁ ସଲମାନ ସାର୍ଙ୍କୁ ଧନ୍ୟବାଦ । ସେ ମୋର ଗୋଟିଏ ଡ୍ୟାନ୍ସ ଷ୍ଟେପକୁ ନେଇ ମୋତେ ସଚେତନ କରାଇଥିଲେ, ଏହା ତାଙ୍କୁ ଭଲ ଲାଗିନଥିଲା ପରେ ମୁଁ ଏହି ଷ୍ଟେପକୁ ବଦଳାଇ ଦେଇଥିଲି । ସେ ଦେଇଥିବା ସମର୍ଥନ ପାଇଁ ମୁଁ ପ୍ରକୃତରେ ସଲମାନ ସାର୍ଙ୍କୁ ଧନ୍ୟବାଦ ଦେଉଛି ।
ସଲମାନ ‘କ୍ୟାରେକ୍ଟର ଢିଲା ୨.୦' ଗୀତ ସେୟାର କରିଥିଲେ
ସଲମାନ ନିକଟରେ କାର୍ତ୍ତିକ ଆର୍ଯ୍ୟନଙ୍କ ‘କ୍ୟାରେକ୍ଟର ଢିଲା ୨.୦' ଗୀତର ଟିଜର ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ମିଳିତ ଭାବେ ସେ କାର୍ତ୍ତିକ ଆର୍ଯ୍ୟନ୍ ଏବଂ ରୋହିତ ଧାୱନଙ୍କୁ ଟ୍ୟାଗ୍ କରୁଥିବାବେଳେ ଶୁଭକାମନା ଜଣାଇଥିଲେ । ସଲମାନଙ୍କ ଏପରି ସମର୍ଥନ ଦେଖି କାର୍ତ୍ତିକ ଆର୍ଯ୍ୟନ ଓ ପୁରା ଟିମ୍ ଖୁସି ।
ରିଲିଜ୍ ପୂର୍ବରୁ 'ଶେହଜାଦା' ୬୫ କୋଟି ଟଙ୍କା ରୋଜଗାର କରିଥିଲା
ପ୍ରକାଶ ଯେ, 'ଶେହଜାଦା' ରିଲିଜ୍ ପୂର୍ବରୁ ୬୫ କୋଟି ଟଙ୍କା ରୋଜଗାର କରିସାରିଛି । କୁହାଯାଉଛି ଯେ ଫିଲ୍ମର ବଜେଟ୍ ୮୫ କୋଟି ଟଙ୍କା । ରିପୋର୍ଟ ଅନୁଯାୟୀ, ‘ଶେହଜାଦା'ମୁଭିର ଗୀତ ୧୦ କୋଟି ଟଙ୍କା ଏବଂ ଟ୍ରେଲର ଫିଲ୍ମ ରିଲିଜ ପୂର୍ବରୁ ୧୫ କୋଟି ଟଙ୍କା ରୋଜଗାର କରିସାରିଛି । ଏଥି ସହିତ, ଫିଲ୍ମ ରିଲିଜ୍ ପାଇଁ ନେଟଫ୍ଲିକ୍ସ ସହିତ ଏହି ଚଳଚିତ୍ରର ଡିଲ୍ ୪୦ କୋଟି ଟଙ୍କାରେ କରାଯାଇଛି । ଏଭଳି ପରିସ୍ଥିତିରେ ଏହି ଚଳଚିତ୍ର ରିଲିଜ ହେବା ପୂର୍ବରୁ ୬୫ କୋଟି ରୋଜଗାର କରିଛି । ଏହାର ଅଗ୍ରୀମ ବୁକିଂ ୧୪ ଫେବୃଆରୀରୁ ଆରମ୍ଭ ହୋଇଥିଲା । ଭାଲେଣ୍ଟାଇନ୍ସ ଡେ’ରେ ନିର୍ମାତାମାନେ ଏକ ସ୍ୱତନ୍ତ୍ର ଅଫର୍ ଦେଇଥିଲେ । ଫିଲ୍ମର ଗୋଟିଏ ଟିକେଟ ବୁକିଂ କରିବା ପରେ ଦ୍ୱିତୀୟ ଟିକେଟ୍ ମାଗଣାରେ ଦିଆଯାଉଥିଲା ।
