ଓଡ଼ିଶାକୁ ଏକ ନମ୍ବର ରାଜ୍ୟ କରିବୁ : ରାଜନାଥ ସିଂହ
ଓଡ଼ିଶାକୁ ଏକ ନମ୍ବର ରାଜ୍ୟ କରିବୁ : ରାଜନାଥ ସିଂହ
admin
4421
ଯାଜପୁର: ଯାଜପୁର ଜିଲାର ବରୀରେ ଗୁରୁବାର ବିଜେପିର ବିଜୟ ସଙ୍କଳ୍ପ ସମାବେଶରେ କେନ୍ଦ୍ର ମନ୍ତ୍ରୀ ରାଜନାଥ ସିଂହ ଯୋଗଦେଇ ରାଜ୍ୟର ବିଜେଡି ସରକାର ଏବଂ କଂଗ୍ରେସ ଉପରେ ପ୍ରବଳ ବର୍ଷିଛନ୍ତି। ରାଜନାଥ ଦଳୀୟ କର୍ମୀମାନଙ୍କୁ ଉଦବୋଧନ ଦେବା ଅବସରରେ କହିଥିଲେ, ସାରା ଦେଶରେ ଆୟୁଷ୍ମାନ ଭାରତ ଯୋଜନା ଲାଗୁ କରାଯାଇଛି। କିନ୍ତୁ ଓଡ଼ିଶାରେ ନବୀନ ବାବୁ ଏହି ଯୋଜନା ଲାଗୁ କରିନାହାନ୍ତି। ଏଭଳି କରି ସେ ଗରିବଙ୍କୁ ହତାଶ କରିଛନ୍ତି। ଓଡ଼ିଶାରେ ବିଜେପିକୁ ମାତ୍ର ୫ବର୍ଷ ସୁଯୋଗ ଦିଅନ୍ତୁ। ଆମେ ରାଜ୍ୟକୁ ୧ ନମ୍ବର କରିବୁ। ଯେଉଁ ରାଜ୍ୟରେ ବିଜେପି ସରକାର ଚାଲିଛି ସେଠାରେ ବିକାଶମୂଳକ କାର୍ଯ୍ୟ ଦେଖିଆସନ୍ତୁ। ୨୦ ବର୍ଷ ଶାସନ କରିବା ସତ୍ବେ ନବୀନ ଓଡ଼ିଶାର ବିକାଶ କରିପାରି ନାହାନ୍ତି।
ସେହିପରି ୨୦୨୨ ସୁଦ୍ଧା ସବୁ ଭାରତୀୟଙ୍କୁ ପକ୍କା ଘର ଓ ଗ୍ୟାସ ସିଲିଣ୍ଡର ନିଶ୍ଚିତ ଦିଆଯିବ । ସର୍ବଦା କଂଗ୍ରେସ ଗରିବୀଙ୍କୁ ମୁଦ୍ଧା କରିଛି । କିନ୍ତୁ ଭାରତ ଗରିବ ମୁକ୍ତ ହୋଇନି । ଯେବେ ଭାରତ କଂଗ୍ରେସ ମୁକ୍ତ ହେବ, ସେବେ ଗରିବ ମୁକ୍ତ ହେବ ବୋଲି ରାଜନାଥ କହିଥିଲେ ।
