ଓଡ଼ିଶାର ସ୍ଥିତି ଭଲ ରହିଛି : ILS ନିଦେ୍ର୍ଧଶକ
ଓଡ଼ିଶାର ସ୍ଥିତି ଭଲ ରହିଛି : ILS ନିଦେ୍ର୍ଧଶକ
admin
3736
ଭୁବନେଶ୍ୱର: ପୁଣି ଓଡ଼ିଶାକୁ ଘାରିଛି କରୋନା ଭୟ । ଓଡ଼ିଶାରେ କରୋନା ଗ୍ରାଫ ଧୀରେ ଧୀରେ ଉପରମୁହାଁ ହେଉଛି । ଦିନକୁ ଦିନ କରୋନା ଲମ୍ବଡିଆଁ ମାରୁଛି । ଗତ କିଛି ଦିନ ହେଲା ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି । ଏହା ସତ୍ତ୍ୱେ ବି ଓଡ଼ିଶା ସ୍ଥିତି ଠିକ ଥିବା ଆଇଏଲଏସ ନିଦେ୍ର୍ଧଶକ କହିଛନ୍ତି । ରାଜ୍ୟରେ ୩ୟୁକେ ଷ୍ଟ୍ରେନ ଚିହ୍ନଟ ନେଇ ସେ କହିଛନ୍ତି ଯେ, ଚିହ୍ନଟ ହୋଇଥିବା ୩ ୟୁକେ ଷ୍ଟ୍ରେନ ଆକ୍ରାନ୍ତ ସୁସ୍ଥ ହୋଇସାରିଛନ୍ତି । ସେମାନେ ଆରୋଗ୍ୟ ହୋଇଥିବାରୁ କାହାକୁ ସଂକ୍ରମିତ କରିନାହାନ୍ତି । ମହାରାଷ୍ଟ୍ର ଓ ପଞ୍ଜାବରେ ଷ୍ଟ୍ରେନର ସଂକ୍ରମଣ ହାର ଅଧିକ ରହିଛି । କିନ୍ତୁ ଓଡ଼ିଶାର ସ୍ଥିତି ଭଲ ରହିଛି ବୋଲି ଆଇଏଲଏସ ନିଦେ୍ର୍ଧଶକ କହିଛନ୍ତି । ଆଇଏଲଏସରେ ୨୨୦ ସାମ୍ପଲରୁ ଏନ୪୪୦କେ ଆସିଛି, ଯାହା ମାରାତ୍ମକ ନୁହେଁ ବୋଲି ସେ କହିଛନ୍ତି । ପୁନଃ ସଂକ୍ରମଣ ହାର ୧:୧ରୁ ୧:୧.୫କୁ ବଢିଛି,ମାରାତ୍ମକ ନୁହେଁ । ପଞ୍ଜାବରେ ୭୦ ପ୍ରତିଶତ ୟୁକେ ଭେରିଏଣ୍ଟ । ଓଡ଼ିଶାର ସ୍ଥିତି ଭଲ ରହିଛି । ତଥାପି ହୋଲି ଭଳି ପର୍ବପର୍ବାଣୀରେ ସତର୍କ ରହିବା ଦରକାର । ମାଇକ୍ରୋ କଣ୍ଟେନମେଣ୍ଟ ଜୋନ କରି ନିୟନ୍ତ୍ରଣ କରାଯାଇ ପାରିବ । ଓଡ଼ିଶାର ବିଭିନ୍ନ ଜିଲ୍ଲାରୁ ଚିହ୍ନଟ ନମୁନାରୁ ଭୟାନକ ସ୍ଥିତି ନାହିଁ । ବର୍ତ୍ତମାନ ନୂଆପଡ଼ା, କନ୍ଧମାଳ ଓ କଳାହାଣ୍ଡିର ନମୁନା ପରୀକ୍ଷା କରୁଛୁ ବୋଲି ଆଇଏଲଏସ ନିଦେ୍ର୍ଧଶକ କହିଛନ୍ତି ।
ପ୍ରକାଶ ଯେ, ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ପୁଣି ୨୧୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ୩୦ ହଜାର ୭୨୯ ନମୁନା ପରୀକ୍ଷଣରୁ ୨୧୪ ପଜିଟିଭ ଚିହ୍ନଟ ହୋଇଛନ୍ତି । ତନ୍ମଧ୍ୟରୁ ୧୨୬ ଜଣ କ୍ୱାରେଣ୍ଟାଇନରୁ ଚିହ୍ନଟ ହୋଇଥିବାବେଳେ ଲୋକାଲ କେସ ୮୮ ବୋଲି ଜଣାଯାଇଛି । ଫଳରେ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୩୯ ହଜାର ୪୬୦କୁ ବୃଦ୍ଧି ପାଇଛି । ତନ୍ମଧ୍ୟରୁ ଆକ୍ଟିଭ କେସ ୧୧୫୧ ଥିବାବେଳେ ୩ ଲକ୍ଷ ୩୬ ହଜାର ୩୩୭ ଜଣ ସୁସ୍ଥ ହୋଇଥିବା ଜଣାଯାଇଛି ।
ଆଜି ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୩୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ସୁନ୍ଦରଗଡ଼ ୨୭, ବଲାଙ୍ଗିର ଓ କଟକରୁ ୨୦ ଲେଖାଏଁ, ବରଗଡ଼ରୁ ୧୩, ବାଲେଶ୍ୱରରୁ ୧୧, ଢେଙ୍କାନାଳ, କୋରାପୁଟ ଓ ସମ୍ବଲପୁରରୁ ୧୦ ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
