ଓଡ଼ିଶା ଲାଗି ବିଭିନ୍ନ ମନ୍ତ୍ରଣାଳୟକୁ ୧୦ଟି ପ୍ରସ୍ତାବ ଦେଇଛନ୍ତି ଅପରାଜିତା
ଓଡ଼ିଶା ଲାଗି ବିଭିନ୍ନ ମନ୍ତ୍ରଣାଳୟକୁ ୧୦ଟି ପ୍ରସ୍ତାବ ଦେଇଛନ୍ତି ଅପରାଜିତା
admin
6690
ଭୁବନେଶ୍ୱର: ସାଂସଦ ଅପରାଜିତା ଷଡ଼ଙ୍ଗୀ ଓଡ଼ିଶା ଲାଗି ବିଭିନ୍ନ ମନ୍ତ୍ରଣାଳୟକୁ ୧୦ଟି ପ୍ରସ୍ତାବ ଦେଇଛନ୍ତି । ଦିଲ୍ଲୀରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସେ ଏ ସମ୍ପର୍କରେ ସୂଚନା ଦେଇଛନ୍ତି । ସେ କହିଛନ୍ତି ଯେ, ଅଧିବେଶନ କାଳରେ ବିଭିନ୍ନ ମନ୍ତ୍ରୀଙ୍କୁ ଭେଟି ଆଲୋଚନା କରିଛି । ଆଲୋଚନା ସହ ଓଡ଼ିଶା ଲାଗି ୧୦ଟି ପ୍ରସ୍ତାବ ଦେଇଛି । ୫ଟି ମନ୍ତ୍ରଣାଳୟକୁ ୧୦ଟି ପ୍ରସ୍ତାବ ଦେଇଥିବା ଅପରାଜିତା କହିଛନ୍ତି । ତନ୍ମଧ୍ୟରୁ ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରଣାଳୟକୁ ୨ଟି ପ୍ରସ୍ତାବ ଦିଆଯାଇଥିବାବେଳେ ଶ୍ରମ ମନ୍ତ୍ରଣାଳୟକୁ ଗୋଟିଏ, ପରିବହନ ମନ୍ତ୍ରଣାଳୟକୁ ୨, ବିତ୍ତ ମନ୍ତ୍ରଣାଳୟକୁ ୩ ଓ ରେଳ ମନ୍ତ୍ରଣାଳୟକୁ ୨ଟି ପ୍ରସ୍ତାବ ଦେଇଥିବା ଅପରାଜିତା କହିଛନ୍ତି ।
ପ୍ରକାଶ ଯେ, ଭୁବନେଶ୍ୱରରେ ‘ଉରଜିତ’ କ୍ଲଷ୍ଟର ସ୍ଥାପନ ପାଇଁ ଅପରାଜିତା ମନ୍ତ୍ରୀ ହର୍ଷବର୍ଦ୍ଧନଙ୍କୁ ପ୍ରସ୍ତାବ ଦେଇଛନ୍ତି । ଭୁବନେଶ୍ୱରରେ ସେଣ୍ଟର ଅଫ ଏକ୍ସେଲେନ୍ସ ଫର ମାରାଇନ ବାୟୋଟେକ ସ୍ଥାପନ ପାଇଁ ମଧ୍ୟ ପ୍ରସ୍ତାବ ଦେଇଛନ୍ତି । ଅବସରପ୍ରାପ୍ତ କର୍ମଚାରୀଙ୍କ ବିଭିନ୍ନ ଦାବିନେଇ ବିତ୍ତ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି । ଖୋର୍ଦ୍ଧା ଜିଲ୍ଲା ନିରାକାରପୁର ଠାରେ ଫ୍ଲାଇ ଓଭର ନେଇ ସାଂସଦ ମଧ୍ୟ ପ୍ରସ୍ତାବ ଦେଇଛନ୍ତି । ଭୁବନେଶ୍ୱର ଲିଙ୍ଗରାଜ ପାସେଞ୍ଜର ହଲ୍ଟକୁ ସ୍ୟାଟେଲାଇଟ ଷ୍ଟେସନ ପାଇଁ ମଧ୍ୟ ପ୍ରସ୍ତାବ ଦେଇଛନ୍ତି । ଖୋର୍ଦ୍ଧାର ତାପଙ୍ଗ ଛକ ଓ ପାଲତୋଟାପଡ଼ାରେ ଭେହିକିଲ ଅଣ୍ଡରପାସ ପାଇଁ ମଧ୍ୟ ପ୍ରସ୍ତାବ ଦେଇଛନ୍ତି । ସେହିପରି ଅନ୍ଧାରୁଆର ଜଗନ୍ନାଥ ପ୍ରସାଦରେ ଏକ ଇଏସଆଇ ହସ୍ପିଟାଲ ପ୍ରତିଷ୍ଠା କରାଯିବାକୁ ମଧ୍ୟ ଅପରାଜିତା ଷଡ଼ଙ୍ଗୀ ପ୍ରସ୍ତବା ଦେଇଛନ୍ତି ।
