ଓଡ଼ିଆ ଝିଅ ଜେଇଇ (ମେନ)ରେ ପଶ୍ଚିମବଙ୍ଗ ଟପର
ଓଡ଼ିଆ ଝିଅ ଜେଇଇ (ମେନ)ରେ ପଶ୍ଚିମବଙ୍ଗ ଟପର
admin
3177
କଟକ:ଓଡ଼ିଆ ଝିଅ ଆଦ୍ୟାଶା ପାତ୍ର ୨୦୨୧ ଜେଇ (ମେନ) ପରୀକ୍ଷାରେ ୯୯.୯୯ ପ୍ରତିଶତ ରଖି ପଶ୍ଚିମବଙ୍ଗ ରାଜ୍ୟ ଟପର ହୋଇଛନ୍ତି । ବର୍ତ୍ତମାନ ଆଦ୍ୟାଶା ଦୁର୍ଗାପୁର ସ୍ଥିତ ମନୀଷା ଇଣ୍ଟରନ୍ୟାସନାଲ ସ୍କୁଲରେ ଦ୍ୱାଦଶ ଶ୍ରେଣୀରେ ପଢ଼ୁଛନ୍ତି । ସେ ମୁମ୍ବାଇ ଆଇଆଇଟିରେ କମ୍ପୁ୍ୟଟର ସାଇନ୍ସ ପଢ଼ିବା ପାଇଁ ଲକ୍ଷ୍ୟ ରଖିଛନ୍ତି । ଏହା ପୂର୍ବରୁ ଆଦ୍ୟାଶା ଏସଟିଏସଇ ଓ କେଭିପିୱାଇ ପରୀକ୍ଷା ମଧ୍ୟ ସଫଳତା ହାସଲ କରିଥିଲେ । ତାଙ୍କ ବାପା ଚିନ୍ମୟ ପାତ୍ର ଦୁର୍ଗାପୁର ଇସ୍ପାତ କାରଖାନାରେ ଜେନେରାଲ ମ୍ୟାନେଜର ଓ ମା ଡକ୍ଟର ବବିତା ସାହୁ ରାଣୀଗଞ୍ଜସ୍ଥିତ ଟିଡିବି କଲେଜରେ ଅଧ୍ୟାପିକା ଭାବେ କାର୍ଯ୍ୟରତ । ଆଦ୍ୟାଶାଙ୍କ ଏହି ସଫଳତାରେ ପରିବାର ବର୍ଗ ଓ ବନ୍ଧୁବାନ୍ଧବ ଏବଂ ଶିକ୍ଷକଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଆଦ୍ୟାଶା ନିଜର ସଫଳତାର ପଛରେ ନିଜର ଅଧ୍ୟବସାୟ ଶିକ୍ଷକମାନଙ୍କ ଦିଗଦର୍ଶନ ଓ ଗୁରୁଜନଙ୍କ ଆଶୀର୍ବାଦ ରହିଥିବା କହୁଛନ୍ତି । କଟକ ଚାଉଳିଆଗଞ୍ଜ ନିବାସୀ ଡାକ୍ତର ବୈକୁଣ୍ଠ ନାଥ ପାତ୍ର ଓ ତୁଳସୀ ପାତ୍ର ଏବଂ ଜଗତସିଂହପୁର ନିବାସୀ ରତ୍ନାକର ସାହୁ ବିଦୁ୍ୟତଲତା ସାହୁଙ୍କ ନାତୁଣୀ ହେଉଛନ୍ତି ଆଦ୍ୟାଶା ।
