ଏଣିକି ସବୁ ଥାନାରେ ଲାଗିବ ଲାଇଭ ସ୍କାନର

Mar 20, 2021 - 08:04 Updated: Mar 20, 2021 - 08:04

2006

ଭୁବନେଶ୍ୱର: ଯେକୌଣସି ଅପରାଧୀଙ୍କ ତଥ୍ୟ (ଡାଟା ବେସ) ସଂଗ୍ରହ ପୂର୍ବ ଅପେକ୍ଷା ସହଜ ହେବ । ଥାନା ସ୍ତରରେ ଅପରାଧୀଙ୍କ ତଥ୍ୟ ଯୋଗାଡ଼ି ଅପରାଧ ମାତ୍ରା କମାଇବାରେ ପୁଲିସ ସଫଳ ହେବ । ଏମିତି ଲକ୍ଷ୍ୟରେ ପ୍ରତି ଥାନାକୁ ଲାଇଭ ସ୍କାନର କିମ୍ବା ଇଲେକଟ୍ରୋନିକ ଫିଙ୍ଗରପି୍ରଣ୍ଟ ମେସିନ ଦିଆଯାଇଛି । ଜଣେ ବରିଷ୍ଠ ପୁଲିସ ଅଧିକାରୀଙ୍କ ସୂଚନା ମୁତାବକ ପ୍ରାଥମିକ ପର୍ଯ୍ୟାୟରେ ରାଜ୍ୟର ପ୍ରାୟ ୨୧୭ ଥାନାକୁ ସ୍କାନର ମେସିନ ଦିଆଯାଇଥିଲା । ଏସବୁ ଥାନାର କମ୍ପୁ୍ୟଟର ସହ ସ୍କାନର ମେସିନ ସଂଯୋଗ କରାଯାଇ ସାରିଛି । ଏଥିରେ କମିସନରେଟ ପୁଲିସର ଉଭୟ ଭୁବନେଶ୍ୱର ଓ କଟକ ୟୁପିଡିର ସମସ୍ତ ଥାନାକୁ ମେସିନ ମିଳିଥିଲା । ଏବେ ଦ୍ୱିତୀୟ ପର୍ଯ୍ୟାୟରେ ପ୍ରାୟ ୪୪୦ ସ୍କାନର ମେସିନ ଅଣାଯାଇଛି । ଏଥିରୁ ୧୦୭ ଥାନାରେ ମେସିନ ଲଗାଯାଇ ସାରିଛି । ବାଲେଶ୍ୱର, ଭଦ୍ରକ, ମୟୂରଭଞ୍ଜ, କଟକ, ପୁରୀ ଜିଲ୍ଲାର ପ୍ରାୟ ସବୁ ଥାନାକୁ ମେସିନ ଦିଆଯାଇଛି । ଆଗାମୀ ୨ ମାସ ଭିତରେ ରାଜ୍ୟର ଅନ୍ୟ ସବୁ ଥାନାକୁ ମେସିନ ଯୋଗାଇବାକୁ ଲକ୍ଷ୍ୟ ରଖାଯାଇଛି । ଏହି ମେସିନଟି ଥାନାରେ ରହିଲେ ଯେକୌଣସି ଅପରାଧର ତଦନ୍ତ ପ୍ରକି୍ରୟା ସହଜ ହେବ । ପୂର୍ବରୁ ଥାନରେ ପାରମ୍ପରିକ ଶୈଳୀ ଅର୍ଥାତ କାଳିରେ ଫିଙ୍ଗରପ୍ରିଣ୍ଟ ସଂଗ୍ରହ କରାଯାଉଥିଲା । ଇ-ଫିଙ୍ଗରପ୍ରିଣ୍ଟ ମେସିନ ଆସିବା ପୁରୁଣା ଶୈଳୀକୁ ଆସ୍ତେ ଆସ୍ତେ ବନ୍ଦ ହେଲାଣି । ଡିଜିଟାଲ ମୋଡରେ ଫିଙ୍ଗରପି୍ରଣ୍ଟ ସଂଗ୍ରହ ଚାଲିଛି । ପ୍ରତି ଥାନାରେ ଜଣେ ସବଇନ୍ସିପେକ୍ଟର ରାଙ୍କର ଅଧିକାରୀ ଏହାର ପରିଚାଳନା ଦାୟିତ୍ୱରେ ଅଛନ୍ତି ।