ଏକାଠି ବିମାନ ଉଡାଇ ରେକର୍ଡ ସୃଷ୍ଟି କଲେ ମା ଝିଅ
ଏକାଠି ବିମାନ ଉଡାଇ ରେକର୍ଡ ସୃଷ୍ଟି କଲେ ମା ଝିଅ
admin
6325
ୱାଶିଂଟନ : ଏକାଠି ବିମାନ ଉଡାଇ ରେକର୍ଡ ସୃଷ୍ଟି କରିଛନ୍ତି ମାଆ ଝିଅ । ପ୍ରଥମ ମା’ଝିଅ ଯୋଡି ଭାବରେ ଏକ ଯାତ୍ରୀବାହୀ ବିମାନର ପାଇଲଟ ହୋଇଛନ୍ତି ଏହି ମା’ ଝିଅ ଯୋଡି । ଆମେରିକାର ସ୍କାଏ ୱେଷ୍ଟ ଏୟାରଲାଇନ୍ସରେ କାର୍ଯ୍ୟକରନ୍ତି କ୍ୟାପଟେନ ସୁଜି ଗ୍ୟାରେଟ ଏବଂ ଫାଷ୍ଟ ଅଫିସର (ସୁଜିଙ୍କ ଝିଅ) ଡୋନ୍ନା ଗ୍ୟାରେଟ । କିଛି ଦିନ ପୂର୍ବେ ଉଭୟଙ୍କୁ ଏକତ୍ର ବିମାନ ଉଡାଇବାର ସୁଯୋଗ ମିଳିଥିଲା । ଏହା କରିବା ସହିତ ଉଭୟ ରେକର୍ଡ ବୁକରେ ନିଜ ନାମ ଉଲ୍ଲେଖ କରିଛନ୍ତି । ସ୍କାଏୱେଷ୍ଟ ଏୟାର ଲାଇନ୍ସର ବ୍ଲଗରେ ଏହି କୃତିତ୍ୱ ବିଷୟରେ ଉଲ୍ଲେଖ କରିବା ସହିତ ଉଭୟ ପାଇଲଟଙ୍କୁ ଧନ୍ୟବାଦ ଜଣାଇଛନ୍ତି । ସୁଜି ଗ୍ୟାରେଟଙ୍କ ପରିବାରରେ ସମସ୍ତେ ପାଇଲଟ ଭାବରେ କାର୍ଯ୍ୟ କରନ୍ତି । ମା’ ଝିଅଙ୍କ ବ୍ୟତିତ ସୁଜିଙ୍କ ସ୍ୱାମୀ ଡଗ ଗ୍ୟାରେଟ ଏବଂ ପୁଅ ମାର୍କ ଗ୍ୟାରେଟ ମଧ୍ୟ ପାଇଲଟ ଭାବରେ କାର୍ଯ୍ୟ କରିଥାନ୍ତି ।
