ବିବାଦରେ ‘କରୋନିଲ୍’ ବଟିକା
ବିବାଦରେ ‘କରୋନିଲ୍’ ବଟିକା
admin
2798
ଯୋଗଗୁରୁ ବାବା ରାମାଦେବଙ୍କ ଦ୍ୱାରା ସ୍ଥାପିତ ହରିଦ୍ୱାର ସ୍ଥିତ ପତଞ୍ଜଳି ଯୋଗପୀଠ ଦ୍ୱାରା ମହାମାରୀ କୋଭିଡ-୧୯ର ଉପଶମ ଲାଗି ମଙ୍ଗଳବାର ଏକ ପ୍ରକାର ଆୟୁର୍ବେଦୀୟ ଔଷଧର ବଜାର ପ୍ରବେଶ କରାଯାଇଛି । ପତଞ୍ଜଳି ଗବେଷଣା କେନ୍ଦ୍ର ଓ ନିଜାମ ଭେଷଜ ବିଜ୍ଞାନ ପ୍ରତିଷ୍ଠାନର ମିଳିତ ଉଦ୍ୟମରେ ବିକଶିତ ଏହି ‘କରୋନିଲ ଓ ସ୍ୱସାରି’ ନାମକ ମିଶ୍ର ଜଡ଼ିବୁଟି ଔଷଧ କୌଣସି ରୋଗ ପ୍ରତିରୋଧକ ବର୍ଦ୍ଧକ ନୁହେଁ । ବରଂ ଏହା କୋଭିଡରୁ ସମ୍ପୂର୍ଣ୍ଣ ଆରୋଗ୍ୟ କରାଇଦେବ ବୋଲି ରାମଦେବ ଦାବି କରିଛନ୍ତି । ମାତ୍ର ୫୪୫ ଟଙ୍କାରେ ଉପଲବ୍ଧ ଏହି ଔଷଓ କିଟକୁ ୩୦ ଦିନ ଯାଏ ବ୍ୟବହାର କରିବାର ବିଧି ରହିଛି । ଏହାର ନୈଦାନିକ ପରୀକ୍ଷଣ ଶହେ ପ୍ରତିଶତ ସଫଳ ହୋଇଥିବା ବେଳେ ମାତ୍ର ୭ ଦିନ ଭିତରେ ଏହା ଜଣେ କରୋନା ସଂକ୍ରମିତକୁ ସମ୍ପୂର୍ଣର୍ ସୁସ୍ଥ କରିଦେଉଛି ବୋଲି ସେ ସୂଚନା ଦେଇଛନ୍ତି । ଅଭିନବ କରୋନା ଭୂତାଣୁ ସାର୍ସ କୋଭ-୨ ପାଇଁ ସାରା ବିଶ୍ୱ ଯୁଝି ହେଉଥିବା ବେଳେ ତାଙ୍କ ଦ୍ୱାରା ଏଭଳି ଆୟୁର୍ବେଦୀୟ ଔଷଧ ଉପଲବ୍ଧ କରାଇବା ଗର୍ବର ବିଷୟ ବୋଲି କହିଛନ୍ତି । ଅପରପକ୍ଷେ, ରାମ ଦେବଙ୍କ ଏପରି ଦାବିକୁ ଆୟୁଷ ମନ୍ତ୍ରଣାଳୟ ଆଗ୍ରହ କରିବା ସହ ସରକାରୀ ସ୍ତରରେ ଏପରି ସଫଳତାର ପ୍ରମାଣ ନ ମିଳିବା ଯାଏ ସେ ସଂକ୍ରାନ୍ତ ବିଜ୍ଞାପନ ବନ୍ଦ ରଖିବାକୁ ପତଞ୍ଜଳି ସଂସ୍ଥାକୁ ତାଗିଦ କରିଛି । ରାମଦେବଙ୍କ ସୂଚନା ମୁତାବକ ଏହି ଔଷଧର ପ୍ରଥମ ପର୍ଯ୍ୟାୟ ନୈଦାନିକ ପରୀକ୍ଷଣ ଦିଲ୍ଲୀ ଏବଂ ଅହମ୍ମଦାବାଦ ପରି ସହରରେ ଅନୁଷ୍ଠିତ ହୋଇଥିବା ବେଳେ ୨୮୦ ଜଣ ରୋଗୀ ସମ୍ପୂର୍ଣ୍ଣ ଆରୋଗ୍ୟ ହୋଇଥିଲେ ।
