କରୋନାର ଆଉ ତିନିଟ ନୂଆ ଲକ୍ଷଣ ଚିହ୍ନଟ ।
କରୋନାର ଆଉ ତିନିଟ ନୂଆ ଲକ୍ଷଣ ଚିହ୍ନଟ ।
admin
1722
ନୂଆଦିଲ୍ଲୀ: ଯୁକ୍ତରାଷ୍ଟ୍ର ଆମେରିକା ସର୍ବୋଚ୍ଚ ସ୍ୱାସ୍ଥ୍ୟ ସଂଗଠନ ‘ଦ ସେଣ୍ଟର ଫର ଡିଜିଜ କଣ୍ଟ୍ରୋଲ ଆଣ୍ଡ ପ୍ରିଭେନସନ’ (ସିଡିସି) ଦ୍ୱାରା କରୋନା ଭୂତାଣୁ ସଂକ୍ରମଣର ଆଉ ତିନିଟି ନୂଆ ଲକ୍ଷଣ ସାମିଲ କରାଯାଇଛି । ଏହି ନୂତନ ଲକ୍ଷଣ ସବୁ ହେଉଛି ନାସିକା ରୁନ୍ଧି ବା ସିଙ୍ଘାଣି ବାହାରିବା, ବାନ୍ତି ବାନ୍ତି ଲାଗିବା ଏବଂ ତରଳ ଝାଡ଼ା ହେବା । ଏଯାବତ ‘ସିଡିସି’ ଏହି ମହାମାରୀ ଭୂତାଣୁ ସଂକ୍ରମଣର ୧୨ଟି ଲକ୍ଷଣ ତାଲିକାଭୁକ୍ତ କରିଥିଲା । ଏହା ପୂର୍ବରୁ ସିଡିସି ଜ୍ୱର, ଥଣ୍ଡା, କାଶ, ଅଣନିଃଶ୍ୱାସୀ, ଅବସନ୍ନତା, ଦେହହାତ ଓ ମାଂସପେଶୀ ଘୋଳାବିନ୍ଧା, ମୁଣ୍ଡବିନ୍ଧା, ସ୍ୱାଦ ବାରିବା ଓ ଘ୍ରାଣ ଶକ୍ତି ନଷ୍ଟ ହେବା, ତଣ୍ଟି ଦରଜ ଆଦିକୁ କରୋନା ସଂକ୍ରମଣ ଲକ୍ଷଣ ଭାବେ ତାଲିକାଭୁକ୍ତ କରିଥିଲା । ସିଡିସି ୱେବସାଇଟ ଅନୁସାରେ କରୋନା ଦ୍ୱାରା ଆକ୍ରାନ୍ତ ରୋଗୀମାନଙ୍କ ଠାରେ ଭିନ୍ନ ଭିନ୍ନ ଲକ୍ଷଣ ସମଷ୍ଟି ଦେଖାଯାଇଥାଏ । ସେମିତି ସଂକ୍ରମଣ ଜନିତ ଅସୁସ୍ଥତାର ଅବସ୍ଥା ମଧ୍ୟ ବ୍ୟକ୍ତିବିଶେଷଙ୍କ ମଧ୍ୟରେ ଭିନ୍ନ ହୋଇଥାଏ ।
