ଋାମ ଜନ୍ମଭୂମି ଭୂମିପୂଜାରେ ଯୋଗ ଦେବେ ଆଡଭାନୀ ଓ ଯୋଶୀ!
ଋାମ ଜନ୍ମଭୂମି ଭୂମିପୂଜାରେ ଯୋଗ ଦେବେ ଆଡଭାନୀ ଓ ଯୋଶୀ!
admin
4867
ଅଯୋଧ୍ୟା : ଆସନ୍ତା ୫ ତାରିଖରେ ରାମ ମନ୍ଦିରର ଭୂମି ପୂଜନ ଅନୁଷ୍ଠିତ ହେବାକୁ ଯାଉଥିବା ବେଳେ ବିଜେପିର ଦୁଇ ବରିଷ୍ଠ ନେତା ଲାଲକୃଷ୍ଣ ଆଡଭାନୀ ଏବଂ ମୁରଲୀ ମନୋହର ଯୋଶୀ ଏଥିରେ ଯୋଗ ଦେବାର କାର୍ଯ୍ୟକ୍ରମ ରହିଛି । ଉଭୟ ନେତା ପ୍ରତ୍ୟକ୍ଷ ଭାବରେ ନୁହେଁ ବରଂ ଭିଡିଓ କନ୍ଫରେନ୍ସିଂ ଜରିଆରେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବେ । ଏହି ଦୁଇ ବରିଷ୍ଠ ନେତାଙ୍କ ବ୍ୟତିରେକ ୧୦ ଜଣ ଅନ୍ୟାନ୍ୟ ନେତା ମଧ୍ୟ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବେ । ଭୂମି ପୂଜନ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗ ଦେବେ ଏବଂ ମୋଦିଙ୍କ ସହିତ ଅନ୍ୟ ୪ ଜଣ ନେତା ମଞ୍ଚ ଉପରେ ରହିବେ । ମୋଦିଙ୍କ ସହିତ ଆରଏସଏସ ମୁଖ୍ୟ ମୋହନ ଭାଗବତ ଏବଂ ରାମ ଜନ୍ମଭୂମି ନ୍ୟାସ ମୁଖ୍ୟ ନୃତ୍ୟ ଗୋପାଳ ଦାସ ମଞ୍ଚ ଉପରେ ଉପସ୍ଥିତ ରହିବେ । ୫ ତାରିଖର ଏହି କାର୍ଯ୍ୟକ୍ରମ ପାଇଁ ଅଯୋଧ୍ୟାରେ କର୍ଫ୍ୟୁ ଲଗା ଯାଇଥିବା ବେଳେ ୩୫୦୦ ଅତିରିକ୍ତ ପୁଲିସ୍ ମୁତୟନ କରାଯାଇଛି ।
