ଆସନ୍ତା ମାର୍ଚ୍ଚରୁ ବୟସ୍କଙ୍କ କୋଭିଡ ଟିକାକରଣ
ଆସନ୍ତା ମାର୍ଚ୍ଚରୁ ବୟସ୍କଙ୍କ କୋଭିଡ ଟିକାକରଣ
admin
3353
ନୂଆଦିଲ୍ଲୀ :ଆସନ୍ତା ମାର୍ଚ୍ଚ ମାସରୁ ଦେଶରେ ତୃତୀୟ ପର୍ଯ୍ୟାୟ କୋଭିଡ ଟିକାକରଣ ଆରମ୍ଭ ହେବ ଏବଂ ଏଥିରେ ୨୭ କୋଟି ହିତାଧିକାରୀ ସାମିଲ ହେବେ । ସେମାନଙ୍କ ଭିତରେ ୫୦ ବର୍ଷରୁ ଅଧିକ ବୟସର ଓ ଅନ୍ୟାନ୍ୟ ଗୁରୁତର ରୋଗରେ ପୀଡ଼ିତ ଥିବା ୫୦ ବର୍ଷରୁ କମ ବୟସର ହିତାଧିକାରୀ ରହିଛନ୍ତି ବୋଲି କେନ୍ଦ୍ର ସ୍ୱାସ୍ଥ୍ୟ ଓ ପରିବାର ମନ୍ତ୍ରୀ ଡା.ହର୍ଷବର୍ଦ୍ଧନ ଲୋକସଭାରେ ସୂଚନା ଦେଇଛନ୍ତି । ତେବେ ଦେଶର ସମ୍ପ୍ରତି ଜାରି ରହିଥିବା ପ୍ରଥମ ଓ ଦ୍ୱିତୀୟ ଦଫା ଟିକାକରଣ ପରିସମାପ୍ତି ପରେ ଆସନ୍ତା ମାସର ଯେ କୌଣସି ଦିନ ଏହି ତୃତୀୟ ଦଫା ଟିକାକରଣ ଆରମ୍ଭ ହେବ ବୋଲି ସେ କହିଛନ୍ତି । ସେହିପରି ଆମ ଦେଶରେ ପ୍ରସ୍ତୁତ କୋଭିସିଲଡ ଓ କୋଭାକ୍ସିନ ଟିକାର ମୋଟ ୬୧ ଲକ୍ଷ ମାତ୍ରା ଅନ୍ୟ ୧୫ଟି ଦେଶକୁ ଯୋଗାଇ ଦିଆସରିଥିବା ବେଳେ ଉକ୍ତ ଟିକା ପାଇବା ଲାଗି ଆହୁରି ୨୨ଟି ଦେଶ ଆଗ୍ରହ ପ୍ରକାଶ କରିଥିବା ସେ କହିଛନ୍ତି ।
