ଆତ୍ମହତ୍ୟା ଉଦ୍ୟମ ସାରା ଭାରତବର୍ଷରେ ଏକ କଳଙ୍କିତ ଅଧ୍ୟାୟ ସୃଷ୍ଟି କରିଛି : ପ୍ରତାପ ଦେବ
ଆତ୍ମହତ୍ୟା ଉଦ୍ୟମ ସାରା ଭାରତବର୍ଷରେ ଏକ କଳଙ୍କିତ ଅଧ୍ୟାୟ ସୃଷ୍ଟି କରିଛି : ପ୍ରତାପ ଦେବ
admin
2867
ଭୁବନେଶ୍ୱର: ବିଜେପି ବିଧାୟକ ସୁବାସ ପାଣିଗ୍ରାହୀ ଗତକାଲି ଗୃହରେ ଆତ୍ମହତ୍ୟା ଉଦ୍ୟମ କରିଥିବାବେଳେ ଏହାକୁ ନେଇ ବିଜେଡି ସଦସ୍ୟ ପ୍ରତିବାଦ କରିଛନ୍ତି । ଏନେଇ ବିଜେଡି ସଦସ୍ୟ ତାଙ୍କୁ କ୍ଷମା ମାଗିବାକୁ ନେଇ ଅଡ଼ି ବସିଛନ୍ତି । କ୍ଷମା ନମାଗିବା ପର୍ଯ୍ୟନ୍ତ ଗୃହ ଚଳାଇ ଦେବୁନି ବୋଲି ବିଜେଡି ସଦସ୍ୟ କହିଛନ୍ତି । ଏହି ପରିପ୍ରେକ୍ଷୀରେ ବିଧାୟକ ପ୍ରତାପ ଦେବ ନିଜ ପ୍ରତିକ୍ରିୟା ରଖି କହିଛନ୍ତି ଯେ, ଏହି ଘଟଣାକୁ ବିଜେଡି ତୀବ୍ର ନିନ୍ଦା କରୁଛି । ପୂର୍ବରୁ ଏପରି କେବେ ନଜିର ନଥିଲା । ଏନେଇ ବିଧାୟକ ଶ୍ରୀ ପାଣିଗ୍ରାହୀ ତୁରନ୍ତ କ୍ଷମା ପ୍ରାର୍ଥନା କରନ୍ତୁ । ସାରା ଭାରତବର୍ଷରେ ଏହା ଏକ କଳଙ୍କିତ ଅଧ୍ୟାୟ ସୃଷ୍ଟି କରିଛି । ଏହା ଦଳୀୟ ପ୍ରଯୋଜନାରେ କରାଯାଇଛି ନା ସୁବାସଙ୍କ ବ୍ୟକ୍ତିଗତ କାର୍ଯ୍ୟ ବୋଲି ପତାପ ଦେବ ପ୍ରଶ୍ନ କରିଛନ୍ତି । ଏଥିସହ ସେ କ୍ଷମା ନମାଗିଲେ ବିଜେଡି ତା’ ଷ୍ଟାଣ୍ଡରେ ଅଟଳ ରହିବ । ପ୍ରତିବାଦର ଭିନ୍ନ ତରିକା ଅଛି । ଆତ୍ମହତ୍ୟା ଗୁରୁତର ଅପରାଧ ବୋଲି ପ୍ରତାପ ଦେବ କହିଛନ୍ତି ।
ଅନ୍ୟପକ୍ଷରେ ତେବେ କ୍ଷମା ମାଗିବାର ପ୍ରଶ୍ନ ଉଠୁନି ବୋଲି ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ କହିଛନ୍ତି । ସେ କହିଛନ୍ତି ଯେ, କ୍ଷମା ମାଗିବାର ପ୍ରଶ୍ନ ଉଠୁନି । ବାଚସ୍ପତିଙ୍କ ପାଖରେ କ୍ଷମତା ଅଛି । ଏନେଇ ସେ ନିଷ୍ପତ୍ତି ନିଅନ୍ତୁ । ଯେତେବେଳେ ସରକାର କିଛି ଶୁଣିଲେ ନାହିଁ ଆଉ ସେ କ’ଣ କରିଥାନ୍ତେ । ଇଏ ଚାଷୀ ବିରୋଧୀ ସରକାର । ଚାଷୀଙ୍କ ଦୁଃଖ ଦେଖନ୍ତି ନାହିଁ ବୋଲି ମୋହନ ମାଝୀ କହିଛନ୍ତି ।
