ଆଜି ରାଜ୍ୟରୁ ୧୯୮୧ ପଜିଟିଭ୍ ଚିହ୍ନଟ, ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୫୨ ହଜାର ଟପିଲା
ଆଜି ରାଜ୍ୟରୁ ୧୯୮୧ ପଜିଟିଭ୍ ଚିହ୍ନଟ, ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୫୨ ହଜାର ଟପିଲା
admin
5854
ଭୁବନେଶ୍ବର : ରାଜ୍ୟରେ ଆଜି ୧୯୮୧ କରୋନା ଆକ୍ରାନ୍ତ ଚିହ୍ନଟ ହୋଇଛି । ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ରହିଛି। ଆଜି ଚିହ୍ନଟ ମୋଟ୍ ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟିନ୍ କେନ୍ଦ୍ରରୁ ୧୨୨୫ଜଣ ଚିହ୍ନଟ ହୋଇଥିବାବେଳେ ୭୫୬ଟି ଲୋକାଲ କେସ୍ ରହିଛି । ନୂତନ ଆକ୍ରାନ୍ତଙ୍କୁ ମିଶାଇ ଏବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୫୨ ହଜାର ୬୫୩କୁ ବୃଦ୍ଧି ହୋଇଛି । ରାଜ୍ୟରେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୧୫ହଜାର ୮୦୮ଜଣ । ସେହିପରି ସୁସ୍ଥ ହୋଇଛନ୍ତି ୩୬ହଜାର ୪୭୮ଜଣ । ରାଜ୍ୟରେ କରୋନା ଯୋଗୁଁ ମୃତ୍ୟବରଣ କରିଛନ୍ତି ୩୦୫ଜଣ । ସେହିପରି ୫୩ ଜଣ କରୋନାରେ ଆକ୍ରାନ୍ତ ଥିଲେ ସୁଦ୍ଧା ଅନ୍ୟ ରୋଗରେ ମୃତ୍ୟୁବରଣ କରିଥିବାର ସୂଚନା ରହିଛି ।
ଆଜି ୩୦ଟି ଜିଲ୍ଲାରୁ ୧୯୮୧ ପଜିଟିଭ୍ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ସର୍ବାଧିକ ୨୭୪ ଜଣ ଚିହ୍ନଟ ହୋଇଥିବାସ୍ଥଳେ ଗଞ୍ଜାମରୁ ୨୬୭ଜଣ ଚିହ୍ନଟ ହୋଇଛନ୍ତି । କନ୍ଧମାଳରୁ ୧୭୯, ସୁନ୍ଦରଗଡରୁ ୧୪୫, କଟକରୁ ୧୩୧,କୋରାପୁଟରୁ ୯୭, ପୁରୀରୁ ୭୭,ଭଦ୍ରକରୁ ୬୫, ମାଲ୍କାନଗିରିରୁ ୬୪, ଯାଜପୁରରୁ ୬୦, ବାଲେଶ୍ବରରୁ ୫୯, ସୋନପୁରରୁ ୫୭, ନୟାଗଡାରୁ ୫୬, ରାୟଗଡାରୁ ୫୫ ଜଗତସିଂହପୁରରୁ ୪୨, , କଳହାଣ୍ଡିଓ ଢେଙ୍କାନାଳରୁ ୩୯ଜଣ ଲେଖାଏଁ ରହିଥିବାବେଳେ ମୟୂରଭଞ୍ଜ ୩୭, ସମ୍ବଲପୁରରୁ ୩୮, ମୟୂରରଭଞ୍ଜରୁ ୩୭,କେନ୍ଦ୍ରାପଡାରୁ ୨୯, ବଲାଙ୍ଗିର ଓ ବରଗଡରୁ ୨୭ଜଣ ଲେଖାଏଁ ରହିଥିବାବେଳେ କେଉଁଝରରୁ ୨୩ଜଣ ରହିଛନ୍ତି । ବୌଦ୍ଧରୁ ୨୨ ଜଣ, ନବରଙ୍ଗପୁରରୁ ୧୮, ନୂଆପଡା ଓ ଦେବଗଡରୁ ୧୬ ଜଣ ଲେଖାଏଁ, ଗଜପତି ଓ ଝାରସୁଗୁଡାରୁ ୮ ଜଣ ଲେଖାଏଁ ରହିଥିବାବେଳେ ଅନୁଗୁଳରୁ ୬ଜଣ ଚିହ୍ନଟ ହୋଇଛନ୍ତି ।
