ଆଗକୁ ବଢିବ କାର୍ ଦର

Dec 30, 2020 - 12:30 Updated: Dec 30, 2020 - 12:30

4983

ନୂଆଦିଲ୍ଲୀ:ନୂଆ କାର ପାଇଁ ଦ୍ୱୈତ ଏୟାରବ୍ୟାଗ ବାଧ୍ୟତାମୂଳକ କରିବା ଲାଗି କେନ୍ଦ୍ର ସରକାର ଯେଉଁ ପ୍ରସ୍ତାବ ଦେଇଛନ୍ତି ତାହାକୁ ଗାଡ଼ି ଡିଲରମାନଙ୍କର ସର୍ବଭାରତୀୟ ସଂଘ ଫାଡା ତରଫରୁ ସ୍ୱାଗତ କରାଯାଇଛି । ଫାଡାର ସଭାପତି ଭିଙ୍କେଶ ଗୁଲାଟି କହିଛନ୍ତି ଯେ ବିଶ୍ୱସ୍ତରରେ ପ୍ରଚଳିତ ମାନକ ସ୍ତର ପର୍ଯ୍ୟନ୍ତ ପହଞ୍ଚିବା ଲାଗି ଏହି ସୁରକ୍ଷା ନିୟମ ଜରୁରୀ ଥିଲା । ଗାଫିରେ ଯାତ୍ରା କରୁଥିବା ନାଗରିକମାନଙ୍କ ଜୀବନକୁ ସୁରକ୍ଷିତ କରିବା ଲାଗି ସରକାରଙ୍କ ଲକ୍ଷ୍ୟ ବେଶ ପ୍ରଶଂସା ଯୋଗ୍ୟ । ମାତ୍ର ଏହାର ପ୍ରଭାବରେ ଗାଡ଼ିଗୁଡ଼ିକର ଦାମ ନିଶ୍ଚିତ ରୂପେ ବଢ଼ିବ । ବିଏସ ୬ ନିୟମ କାର୍ଯ୍ୟକାରୀ କରାଯିବା ଯୋଗୁଁ ଗାଡ଼ି ଦାମରେ ବୃଦ୍ଧି ହୋଇଛି । ଦ୍ୱୈତ ଏୟାରବ୍ୟାଗକୁ ବାଧ୍ୟତାମୂଳକ କରାଯାଇଥିବାରୁ ଏଥିପାଇଁ ହେବାକୁ ଥିବା ବ୍ୟୟର ବଡ଼ ଭାଗ କମ୍ପାନୀ ଗୁଡ଼ିକ ନିଜେ ସହିଯିବେ ବୋଲି ସେ ଆଶା ପ୍ରକଠ କରିଛନ୍ତି କାରଣ ଯଦି ଗାଡି ଦାମ ବଢ଼ିବ ତେବେ ସ୍ୱଳ୍ପ ମିଆଦୀ ଭିତ୍ତିରେ ତାହା ଶିଳ୍ପ ପାଇଁ ବହୁତ ଖରାପ ହେବ ।