ଆକ୍ସନ ମୁଡ଼ରେ ପୋଲିସ,ପୁଣି ରାଜଧାନୀରୁ ବ୍ରାଉନସୁଗାର ଜବତ
ଆକ୍ସନ ମୁଡ଼ରେ ପୋଲିସ,ପୁଣି ରାଜଧାନୀରୁ ବ୍ରାଉନସୁଗାର ଜବତ
admin
5425
ରାଜଧାନୀ ଭୁବନେଶ୍ୱରରୁ ପୁଣି ଧରା ପଡିଲା ଧଳାଜହର । ବ୍ରାଉନସୁଗାର ବିକ୍ରି କରିବା ବେଳେ ୨ ଛାତ୍ରଙ୍କୁ ଗିରଫ କରିଛି ଚନ୍ଦ୍ରଶେଖରପୁର ଥାନା ପୋଲିସ ।
ବ୍ରାଉନସୁଗାର ବେପାରୀ ଭୁବନେଶ୍ୱରକୁ ସେଫ ସ୍ଥାନ ଭାବୁଥିବା ବେଳେ ପୋଲିସ ସେମାନଙ୍କୁ ଧରିବା ପାଇଁ ଜାଲ ବିଛାଇଛି । ଭୁବନେଶ୍ୱରରୁ ବାରମ୍ବାର ବ୍ରାଉନସୁଗାର ଜବତ ହେଉଥିବା ବେଳେ ଆଜି ପୁଣି କୈାଣସି ସୂତ୍ରରୁ ଖବର ପାଇ ବାଣୀ ବିହାର ସୈନିକ ସ୍କୁଲ ରାସ୍ତାରୁ ଜଣେ ବେପାରୀ ଠାରୁ ୧୦୦ ଗ୍ରାମ ବ୍ରାଉନସୁଗାର ଜବତ କରିଛି କଇକ ଆକ୍ସନ ଟମ । ଏହି ଘଟଣାରେ ବୁଧିଆ ଖାନ ନାମକ ଜଣେ ବ୍ରାଉନସୁଗାର ମାଫିଆକୁ ଗିରଫ କରାଯାଇଛି । ଏତିକି ନୁହେଁ ପୁଣି ଚନ୍ଦ୍ରଶେଖରପୁର ଥାନା ପୋଲିସ ବ୍ରାଉନସୁଗାର ବିକ୍ରି କରିବା ବେଳେ ୨୪ ଗ୍ରାମ ବ୍ରାଉନସୁଗାର ସହ ୨ ଛାତ୍ରଙ୍କୁ ଗିରଫ କରିଛି ।
ବ୍ରାଉନସୁଗାର କାରବାର ମାମଲାରେ ଗିରଫ ହୋଇଥିବା ୨ ଛାତ୍ର ମଧ୍ୟରେ ଜଣେ ଡିପ୍ଲୋମା ଇଂଜିନିୟରିଂ ଛାତ୍ର ଥିବା ବେଳେ ଅନ୍ୟ ଜଣେ ଗ୍ରାଜୁଏସନ ଛାତ୍ର ବୋଲି ଜଣାପଡ଼ିଛି । ୨ଛାତ୍ରଙ୍କ ଠାରୁ ବାଇକ ଜବତ ହୋଇଛି । ଗିରଫ ହୋଇଥିବା ୧୨୪ ଗ୍ରାମ ବ୍ରାଉନସୁଗାରର ମୂଲ୍ୟ ୧୦ଲକ୍ଷରୁ ଅଧିକ ହେବ ବୋଲି ଅନୁମାନ କରାଯାଉଛି ।
