କରୋନା ମୁକାବିଲା ପାଇଁ ରାଜ୍ୟ ସରକାର ପ୍ରସ୍ତୁତ
କରୋନା ମୁକାବିଲା ପାଇଁ ରାଜ୍ୟ ସରକାର ପ୍ରସ୍ତୁତ
admin
3309
ଭୁବନେଶ୍ୱର: ଘାତକ କରୋନା ଭାଇରସ ପାଇଁ ଆତଙ୍କିତ ହୁଅନ୍ତୁ ନାହିଁ । ଆମେ ଏନେଇ ପ୍ରସ୍ତୁତ ବୋଲି ସ୍ୱାସ୍ଥ୍ୟ ସଚିବ ନିକୁଞ୍ଜ ଧଳ କହିଛନ୍ତି । ସୋମବାର ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଶ୍ରୀ ଧଳ କହିଛନ୍ତି ଯେ, କରୋନା ଏଯାଏଁ ବିଶ୍ୱ ସମସ୍ୟା ଭାବେ ଘୋଷଣା ହୋଇନାହିଁ । ତଥାପି ଚୀନରେ ୮୦ ଜଣଙ୍କ ମୃତୁ୍ୟ ଘଟିବାରୁ ଚିନ୍ତା ବଢିଛି । ଓଡ଼ିଶାରେ ଏଥିପାଇଁ ଆମେ ବିଶେଷ ସଜାଗ ରହିଛୁ । ମାଲେସିଆରେ ୩ଟି ଏବଂ ନେପାଳରେ ଜଣେ ରୋଗୀ ଚିହ୍ନଟ ହୋଇଛନ୍ତି । ମାଲେସିଆ ସହ ଆମର ସିଧାସଳଖ ବିମାନ ଥିବାରୁ ଆମେ ସତର୍କ ରହିଛୁ । ଯେଉଁ ୧୯ଟି ଏୟାରପୋର୍ଟକୁ ଆଲର୍ଟ ହୋଇଛି ସେଥିରେ ଭୁବନେଶ୍ୱର ନାହିଁ । କିନ୍ତୁ ମାଲେସିଆ ସହ ଆମର ସିଧା ବିମାନ ଥିବାରୁ ଆମେ ସ୍କ୍ରିନିଂ କରୁଛୁ । ଏସସିବି, ବୁର୍ଲା, କ୍ୟାପିଟାଲ ଓ ଝାରସୁଗୁଡ଼ା ମେଡିକାଲରେ ସ୍କ୍ରିନିଂ ବ୍ୟବସ୍ଥା ହୋଇଛି ବୋଲି ଶ୍ରୀ ଧଳ କହିଛନ୍ତି ।
ଅନ୍ୟପକ୍ଷରେ କରୋନା ମୁକାବିଲା ପାଇଁ କଟକ ଏସସିବିରେ ସ୍ୱତନ୍ତ୍ର ୱାର୍ଡ ଖୋଲାଯାଇଛି । ୮ଟି ଆଇସିୟୁ ଓ ୪୦ ଶଯ୍ୟା ବିଶିଷ୍ଟ ସ୍ୱତନ୍ତ୍ର ୱାର୍ଡ ଖୋଲିଛି । ଜଣେ ପ୍ରଫେସର ଓ ପଲୁ୍ୟମନାରୀ ବିଭାଗ ୨ ଡାକ୍ତରଙ୍କୁ ଚିକିତ୍ସା ଦାୟିତ୍ୱ ଦିଆଯାଇଥିବା ଏସସିବି ଜରୁରୀକାଳୀନ ଅଧିକାରୀ ଭୁବନାନନ୍ଦ ମହାରଣା ସୂଚନା ଦେଇଛନ୍ତି ।
