ଆଉ ବେଶି ଧାଁ ଧପଡ଼ କରିବାକୁ ପଡ଼ିବନି : ଗୋଟିଏ କ୍ଲିକରେ ପାସପୋର୍ଟ ଯାଞ୍ଚ
ଆଉ ବେଶି ଧାଁ ଧପଡ଼ କରିବାକୁ ପଡ଼ିବନି : ଗୋଟିଏ କ୍ଲିକରେ ପାସପୋର୍ଟ ଯାଞ୍ଚ
admin
3439
ଭୁବନେଶ୍ୱର: ଆଉ ବେଶି ଧାଁ ଧପଡ଼ କରିବାକୁ ପଡ଼ିବନି । ମାତ୍ର କେଇ ସେକେଣ୍ଡ ଭିତରେ ଗୋଟିଏ କ୍ଲିକରେ ଅନଲାଇନରେ ପାସପୋର୍ଟ ଯାଞ୍ଚ ହେବ । ପାସପୋର୍ଟର ତୁରନ୍ତ ଯାଞ୍ଚ କରିବା ପାଇଁ ଓଡ଼ିଶା ପୁଲିସ ୫ଟି କାର୍ଯ୍ୟକ୍ରମ ଆଧାରରେ ‘ଏମ ପୁଲିସ’ ମୋବାଇଲ ଆପ୍ଲିକେସନ ବ୍ୟବସ୍ଥା ଆରମ୍ଭ କରିଛି । ଏହା ପରେ ପାସପୋର୍ଟ ଯାଞ୍ଚ (ଭେରିଫିକେସନ) ପୂରା ସହଜ ହେବ । ପାସପୋର୍ଟ ଯାଞ୍ଚ ବ୍ୟବସ୍ଥାକୁ ସ୍ୱଚ୍ଛ ଏବେ ସମୟ ଉପଯୋଗୀ କରିବା ନିମନ୍ତେ ଏହା ଏକ ମହତ ପଦକ୍ଷେପ । ଏହି ଯୋଜନାରେ ରାଜ୍ୟର ସମସ୍ତ ୫୫୩ ପୁଲିସ ଷ୍ଟେସନକୁ ଟାବଲେଟ ପ୍ରଦାନ କରାଯିବ । ପ୍ରଥମ ପର୍ଯ୍ୟାୟରେ ଶହେଟି ପୁଲିସ ଷ୍ଟେସନକୁ ଟାବଲେଟ ପ୍ରଦାନ କରାଯାଇଥିବା ବେଳେ ମାର୍ଚ୍ଚ ୨୫ ସୁଦ୍ଧା ଅନ୍ୟ ଥାନା ଗୁଡ଼ିକୁ ଟାବଲେଟ ପ୍ରଦାନ କରାଯିବ । ରାଜଧାନୀ ଭୁବନେଶ୍ୱରରେ ୫ଟି ଥାନାକୁ ଟାବଲେଟ ମିଳିଥିବା ବେଳେ ଦାୟିତ୍ୱରେ ରହୁଥିବା କର୍ମଚାରୀମାନେ ତାଲିମ ନେଇ ସାରିଥିବା ବେଳା ସେବା ଆରମ୍ଭ ହୋଇଛି ।
