ଅଶାଳୀନ ଟ୍ରୋଲ ବିରୋଧରେ ମୁହଁ ଖୋଲିଲେ ଜାଗୃତି, କଣ କହିଲେ ଜାଣନ୍ତୁ
ଅଶାଳୀନ ଟ୍ରୋଲ ବିରୋଧରେ ମୁହଁ ଖୋଲିଲେ ଜାଗୃତି, କଣ କହିଲେ ଜାଣନ୍ତୁ
admin
3577
କଟକ: ସୋସିଆଲ ମିଡିଆରେ ଅନୁଭବ ଓ ଜାଗୃତିଙ୍କ ଫଟୋକୁ ନେଇ ସୃଷ୍ଟି ହୋଇଥିବା ଚର୍ଚ୍ଚା ପରେ ମୁହଁ ଖୋଲିଛନ୍ତି ମହିଳା ସାମ୍ବାଦିକ ଜାଗୃତି ଶୁକ୍ଳା । ଅଭିନେତ୍ରୀ ବର୍ଷାଙ୍କୁ ଟାର୍ଗେଟ କରି ଫେସବୁକରେ ଜାଗୃତି କରିଥିବା ପୋଷ୍ଟ ଏବେ ଖୁବ ଭାଇରାଲ ହେବାରେ ଲାଗିଛି । ଫେସବୁକ ପୋଷ୍ଟରେ ନିଜକୁ ଅନୁଭବଙ୍କ ବନ୍ଧୁ ବୋଲି କହିଛନ୍ତି ସେ । ଏହା ବର୍ଷା ଅନୁଭବଙ୍କ ବ୍ୟକ୍ତିଗତ ବିବାଦ, ତା’ଭିତରକୁ ତାଙ୍କ ନାଁ ଟଣାଯାଉଛି ବୋଲି ସେ ଅଭିଯୋଗ କରିଛନ୍ତି । ଜାଗୃତି ଆହୁରି ମଧ୍ୟ ଲେଖିଛନ୍ତି ଯେ ‘କିଛି ଦିନ ହେଲା ଅଶାଳୀନ ଓ ଆପତ୍ତିଜନକ ଟ୍ରୋଲ କରାଯାଉଛି । ସୀମା ଟିପିବା ପରେ ମୁଁ ଲେଖିବାକୁ ବାଧ୍ୟ ହେଉଛି । ମତେ ଟ୍ରୋଲ କରୁଥିବା ଲୋକ ବର୍ଷାଙ୍କ ପ୍ରଶଂସକ । ମୁଁ ଜାଣିପାରୁନି ଏମାନଙ୍କ ପଛରେ କିଏ ଅଛି? ମୁଁ ବର୍ତ୍ତମାନ ପୁଲିସରେ ଅଭିଯୋଗ କରିବି । ଏହା ଦ୍ୱାରା ପଛରେ କିଏ ଅଛନ୍ତି ଜଣାପଡ଼ିବ’ କେହି ଟଙ୍କା ଦେଇ ଏଭଳି କରାଉଥିବା ସେ ଅଭିଯୋଗ କରିଛନ୍ତି । କେନ୍ଦ୍ରମନ୍ତ୍ରୀ ପ୍ରକାଶ ଜାଭେଦକର ଓ ଓଡ଼ିଶାର ମୁଖ୍ୟମନ୍ତ୍ରୀଙ୍କୁ ଏହି ମାମଲାର ଅନୁସନ୍ଧାନ କରିବାକୁ ଜାଗୃତି ଅନୁରୋଧ କରିଛନ୍ତି । ଏଠାରେ ଉଲ୍ଲେଖଯୋଗ୍ୟ ଯେ, କିଛି ଦିନ ତଳେ ବର୍ଷା ଓ ଜାଗୃତିଙ୍କ ଏକ ଫଟୋ ସୋସିଆଲ ମିଡିଆରେ ବେଶ ଟ୍ରୋଲ ହୋଇଥିଲା ।
