ଅପହୃତ ଯବାନ ରାକେଶ୍ୱରଙ୍କୁ ଛାଡିଲେ ମାଓବାଦୀ

Apr 8, 2021 - 12:39 Updated: Apr 8, 2021 - 12:39

3598

ଭୁବନେଶ୍ୱର:ଅପହୃତ ଯବାନ ରାକେଶ୍ୱର ସିଂ ମାନହାସଙ୍କୁ ମାଓବାଦୀମାନେ ଛାଡିଛନ୍ତି । ଆଜି ଅପରାହ୍ନରେ ରାକେଶ୍ୱରଙ୍କୁ ଛାଡିଥିବା ସୂଚନା ମିଳିଛି । ମାଓବାଦୀଙ୍କ କବଳରୁ ମୁକୁଳିଲେ ଅପହୃତ ଯବାନ । ବିଜାପୁର ମାଓ ହମଲା ପରେ ଅପହୃତ ହୋଇଥିଲେ ଯବାନ । ୩ ଏପ୍ରିଲ ଠାରୁ ଯବାନଙ୍କୁ ନିଜ କବଜାରେ ରଖିଥିଲେ ମାଓବାଦୀ । ସୂଚନା ଅନୁସାରେ, ଆଜି ସକାଳୁ ପାହାଡ଼ିଆ ରାସ୍ତା ଦେଇ ମାଓବାଦୀମାନେ ରାକେଶ୍ୱରଙ୍କୁ ଚଲାଇ ଚଲାଇ ଆଣିଥିଲେ। ଏକ ନିର୍ଦ୍ଦିଷ୍ଟ ସ୍ଥାନରେ ତାଙ୍କୁ ଛାଡ଼ିବା ପରେ ସେମାନେ ପୁଣି ଜଙ୍ଗଲ ମଧ୍ୟରେ ଥିବା ନିଜ କ୍ୟାମ୍ପକୁ ଚାଲି ଯାଇଥିଲେ। ସେଠାରୁ ରାକେଶ୍ୱର ଚାଲିଚାଲି ଜଙ୍ଗଲ ବାହାରକୁ ଆସିଥିବା କୁହାଯାଇଛି ।