ଅନୁପଙ୍କ ମର୍ଡର କାହାଣୀକୁ ନେଇ ଆସୁଛି ଚଳଚିତ୍ର ‘ମାୟାବନୀ’ ।
ଅନୁପଙ୍କ ମର୍ଡର କାହାଣୀକୁ ନେଇ ଆସୁଛି ଚଳଚିତ୍ର ‘ମାୟାବନୀ’ ।
admin
5156
ପ୍ରଥମେ ସମ୍ପର୍କ ଓ ଏହାକୁ ଲୁଚାଇବାକୁ ଜଘନ୍ୟ ହତ୍ୟାକାଣ୍ଡ | କଂଗ୍ରେସର ପୂର୍ବତନ ବିଧାୟକ ତଥା ବିଜେଡିର ପୂର୍ବତନ ନେତା ଅନୁପ ସାଏ କରିଥିବା ହତ୍ୟାକାଣ୍ଡକୁ ନେଇ ନିର୍ମାଣ ହେବ ଫିଲ୍ମ | କିଭଳି ଷଡଯନ୍ତ୍ର ହୋଇଥିଲା ଓ ଏହା ପରେ ହତ୍ୟାକାଣ୍ଡର ରୂପ ଦିଆଯାଇଥିଲା ତାହାକୁ ଦର୍ଶକ ପରଦାରେ ଦେଖିବେ | ଅନୁପ ସାଏଙ୍କ ଚରିତ୍ରକୁ ନେଇ ନିର୍ମାଣ ହେବାକୁ ଯାଉଥିବା ଓଡିଆ ଫିଲ୍ମର ନାମ ‘ମାୟାବିନୀ’ ରଖାଯାଇଥିବାବେଳେ ଏହାକୁ ନିର୍ଦ୍ଦେଶନା ଦେବେ ସବିନୟ | ଏହି ଫିଲ୍ମର ପ୍ରଯୋଜନା ଭାର ସମ୍ଭାଳିଛନ୍ତି ଶ୍ରୀଧର ମାର୍ଥା | ଶ୍ରୀଧର ପୂର୍ବରୁ ପାଟଣାଗଡ଼ ପାର୍ସଲ ବୋମା ବିସ୍ଫୋରଣକୁ ନେଇ ଫିଲ୍ମ ନିର୍ମାଣ କରିଥିଲେ |
ଅନ୍ୟପଟେ ୨୦୧୬ ହତ୍ୟାକାଣ୍ଡ ମାମଲାରେ ଖିଅ ଖୋଜୁଛି ପୁଲିସ । ହତ୍ୟାକାଣ୍ଡର ଖୋଳତାଡ ପାଇଁ ଭୁବନେଶ୍ୱରରେ ପହଂଚିଛି ଛତିଶଗଡ ପୁଲିସ । ପୁଲିସ, ଅନୁପ ଓ କଳ୍ପନା ରହୁଥିବା ସୁନ୍ଦରପଦା ଆପାର୍ଟମେଂଟ ଯାଇ ତଦନ୍ତ କରିବାର ସମ୍ଭାବନା ଅଛି । ଛତିଶଗଡ ପୁଲିସ ଟିମ୍ ଭୁବନେଶ୍ୱର ବିମାନବନ୍ଦରରେ ପହଂଚି, ଏୟାରପୋର୍ଟ ଅଥରିଟି ଅଫିସରେ ଅଛନ୍ତି । ପରେ ଟିମ୍ ସୁନ୍ଦରପଦା ଯିବେ ବୋଲି ସୂଚନା ମିଳିଛି । ସେପଟେ ରାୟଗଡା ଜିଲ୍ଲା ଜଜ କୋର୍ଟରେ ହାଜର ହେଲେ ଅନୁପ ସାଏ ।
