ଅକ୍ଷୟଙ୍କ ପାଦ ଧରି ଭୁଲ ମାଗିଲେ ରଣବୀର ସିଂହ ।
ଅକ୍ଷୟଙ୍କ ପାଦ ଧରି ଭୁଲ ମାଗିଲେ ରଣବୀର ସିଂହ ।
admin
2279
ଭୁବନେଶ୍ୱର: ଅକ୍ଷୟ କୁମାର ଓ କ୍ୟାଟ୍ରିନା କୈଫଙ୍କ ଅଭିନୀତ ଚଳଚ୍ଚିତ୍ର ‘ସୂର୍ଯ୍ୟବଂଶୀ’ରେ ଅଭିନେତା ରଣବୀର ସିଂହ ଅତିଥି କଳାକାର ଭୂମିକାରେ ନଜର ଆସିବାକୁ ଯାଉଛନ୍ତି । ସୋମବାର ମୁମ୍ବାଇରେ ଏହାର ଟ୍ରେଲର ମୁକ୍ତିଲାଭ କରିଥିବା ବେଳେ ଏକ ଭିନ୍ନ ଘଟଣା ଦେଖିବାକୁ ମିଳିଛି । ଏହି ଟ୍ରେଲର ଉନ୍ମୋଚନ ଅବସରରେ ଅକ୍ଷୟ ଓ କ୍ୟାଟ୍ରିନାଙ୍କ ସମେତ ଅଜୟ ଦେବଗନ, ରୋହିତ ସେଟ୍ଟୀ, କରଣ ଜୋହର ଓ ରଣବୀର ସିଂହଙ୍କୁ ନିମନ୍ତ୍ରଣ କରାଯାଇଥିଲା । ମାତ୍ର ରଣବୀର ନିର୍ଦ୍ଧାରିତ ସମୟ ଠାରୁ ୪୦ ମିନିଟ ପରେ ସେଠାରେ ପହଞ୍ଚିଥିଲେ । ତେଣୁ ଅକ୍ଷୟ କୁମାର ଓ ଅନ୍ୟମାନେ ଏ ନେଇ ରଣବୀରଙ୍କୁ ଏଣୁତେଣୁ କହିଥିଲେ । ତେଣୁ ରଣବୀର ଭୁଲ ମାଗିବା ପାଇଁ ଅକ୍ଷୟଙ୍କ ପାଦତଳେ ପଡ଼ି ଯାଇଥିଲେ । ଅଜୟ ଦେବଗନ ଓ କ୍ୟାଟ୍ରିନା ବି ରଣବୀରଙ୍କୁ ଏ ନେଇ କିଛି ଅନେକ କଥା କହିଥିଲେ । ଫଳରେ ରଣବୀର କ୍ଷମା ପ୍ରାର୍ଥନା କରିବା ସହ କାନ ଧରି ବସ ଉଠ ହୋଇଥିଲେ । ଏହା ପରେ ଅକ୍ଷୟ କହିଥିଲେ, ଇଏ ଏମିତି ଏକ ଅଭିନେତା ଯିଏ ସମସ୍ତ ବରିଷ୍ଠ କଳାକାରଙ୍କୁ ୪୦ ମିନିଟ ଅପେକ୍ଷା କରାଇଲେ । ଏହାର ଜବାବରେ ରଣବୀର କହିଥିଲେ, ମେଟ୍ରୋରେ କାମ ଚାଲିଥିବାରୁ ଏବଂ ମୁଁ ଦୂରକୁ ଆସିଥିବାରୁ ଏତେ ବିଳମ୍ବ ହେଲା । ଏହା ପରେ ଅଜୟ ମଧ୍ୟ ରଣବୀରଙ୍କୁ ଆହୁରି ଚିଡ଼ାଇଥିଲେ । ଚଳଚ୍ଚିତ୍ରରେ ଅଜୟ ଦେବଗନ ‘ସିଂହମ’ ଓ ରଣବୀର ‘ସିମ୍ବା’ ଭୂମିକାରେ ଅତିଥି କଳାକାର ଭାବେ ଦେଖିବାକୁ ମିଳିବେ । ଏହି ଟ୍ରେଲର ଉନ୍ମୋଚନକୁ ସଞ୍ଚାଳନ କରୁଥିବା ଉପସ୍ଥାପକ ଆଶିଷ ଚଞ୍ଚଲାନି ଏହି ଦୃଶ୍ୟକୁ ନିଜ ଇନଷ୍ଟାଗ୍ରାମରେ ସେୟାର କରିବା ପରେ ଏହି ଘଟଣା ସାମ୍ନାକୁ ଆସିଛି ।
