ଦୋକାନରୁ ଟମାଟୋ, ଅଦା, କଞ୍ଚାଲଙ୍କା ଚୋରି; ୨ ଗିରଫ
user1
8302
ଫତେପୁର: ସୁନା କି, ରୁପା ନୁହେଁ ଉତ୍ତର ପ୍ରଦେଶର ଫତେପୁର ଜିଲ୍ଲା ଅନ୍ତର୍ଗତ ଗୋଟାଏ ବଜାରରୁ ୨୬ କିଲୋ ଟମାଟୋ, ୨୫ କିଲୋ କଞ୍ଚାଲଙ୍କା ଓ ୮ କିଲୋ ଅଦା ଚୋରି ହୋଇଥିବା ଥିବା କଥା ଗୁରୁବାର ଦିନ ପୁଲିସ କହିଛି। ୨ଜଣଙ୍କୁ ଗିରଫ କରାଯାଇଥିବା ଜଣାପଡ଼ିଛି।ପୁଲିସ କହିବା ଅନୁସାରେ, ଜୁଲାଇ ୧୦ ତାରିଖ ସୋମବାର ରାତିରେ ଏହି ଚୋରି ଘଟଣା ଘଟିଛି।
ଦୁଇ ଦୋକାନ ମାଲିକ ରମିଜ୍ ଖାଁ ଓ ନଇମ୍ ଖାଁ ରାତିରେ ଦୋକାନ ବନ୍ଦ କରି ଘରକୁ ଫେରିଥିଲେ। ତହିଁଆର ଦିନ ସକାଳୁ ଦୋକାନ ଖୋଲି ଦେଖିବାରୁ ବହୁ ପରିମାଣର ଟମାଟୋ, ଅଦା ଓ କଞ୍ଚାଲଙ୍କା ନାହିଁ। ଥାନାରେ ଅଭିଯୋଗ କରିବା ପରେ କାନ୍ତାପ୍ରସାଦ ଓ ମହମ୍ମଦ ଇସ୍ଲାମ୍ ନାମକ ଦୁଇଜଣ ବ୍ୟକ୍ତିଙ୍କ ନାଁରେ ‘ଆଇପିସି’ ଧାରା ୩୭୯ ଅନୁଯାୟୀ ମାମଲା ରୁଜୁ କରାଗଲା।
