ଫିଜିକାଲ ଫିଟନେସ ସହ କୌଣସି ବୁଝାମଣା କରନାହିଁ :ପ୍ରଧାନମନ୍ତ୍ରୀ

admin admin
Aug 28, 2023 - 14:01
7152
ଫିଜିକାଲ ଫିଟନେସ ସହ କୌଣସି ବୁଝାମଣା କରନାହିଁ :ପ୍ରଧାନମନ୍ତ୍ରୀ

ନୂଆଦିଲ୍ଲୀ: ଗୋଟିଏ ଦିନରେ ୫୧ ହଜାର ନିଯୁ୍କ୍ତି । ରୋଜଗାର ମେଳା କାର୍ୟ୍ୟକ୍ରମରେ ୫୧ ହଜାର ୧୦୬ ଜଣ ନବନିଯୁକ୍ତଙ୍କୁ ନିଯୁକ୍ତି ପତ୍ର ବାଣ୍ଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭିଡିଓ କନଫରେନ୍ସିଂ ଜରିଆରେ ନିଯୁକ୍ତି ପତ୍ର ବାଣ୍ଟିଛନ୍ତି ପ୍ରଧାନମନ୍ତ୍ରୀ । ଦେଶର ବିଭିନ୍ନ ସ୍ଥାନରେ ନୂତନ କରି କେନ୍ଦ୍ରୀୟ ସଶସ୍ତ୍ର ପୋଲିସ ଫୋର୍ସରେ ନିଯୁକ୍ତି ପାଇଥିବା ଯବାନଙ୍କୁ ଅଷ୍ଟମ ପର୍ୟ୍ୟାୟ ରୋଜଗାର ମେଳାରେ ନିଯୁକ୍ତି ପତ୍ର ବାଣ୍ଟିଛନ୍ତି ପ୍ରଧାନମନ୍ତ୍ରୀ । ଏହା ସହିତ ନବ ନିଯୁକ୍ତଙ୍କୁ ଶୁଭେଚ୍ଛା ଜଣାଇବା ସହ ଉଦବୋଧନ ଦେଇଛନ୍ତି । ଦେଶର କୋଟି କୋଟି ଅମୃତ ରକ୍ଷକ ବନିଥିବାରୁ ସମସ୍ତ ନବନିଯୁକ୍ତଙ୍କୁ ଅନେକ ଶୁଭେଚ୍ଛା । ଆଜି ନିଯୁକ୍ତ ପାଇଥିବା ସମସ୍ତେ ଦେଶର ରକ୍ଷା କରିବେ । ଆପଣ ସମସ୍ତ ଏହି ଅମୃତକାଳରେ ଜନତା ଓ ଅମୃତ ରକ୍ଷକ । ତୁମର କାମ ସମୟ ବନ୍ଧନରେ ନଥାଏ । ଖରା ବର୍ଷା ଶୀତ ସବୁବେଳେ ତୁମେ କର୍ତ୍ତବ୍ୟ କରିବାରେ ନିଯୁକ୍ତ ଥାଅ । ଫିଜିକାଲ ଫିଟନେସ ସହ କୌଣସି ବୁଝାମଣା କରନାହିଁ । ଫିଜିକାଲ ଫିଟନେସ ତୁମ ବିଭାଗ ପାଇଁ ବହୁତ ଜରୁରୀ । ଯୋଗ କର ଫିଟ ରୁହ । ଏହା ତୁମର ନିତିଦିନିଆ ଅଭ୍ୟାସ ହେବା ଦରକାର । ଏକ ସନ୍ତୁଳିତ ମନ ପାଇଁ ଯୋଗକୁ ଜୀବନର ଅଂଶ କର ବୋଲି କହିଛନ୍ତି ପ୍ରଧାନମନ୍ତ୍ରୀ । ମିଶନ ନିଯୁକ୍ତି ଅଧୀନରେ ପ୍ରତି ମାସ ଭାରତ ସରକାର ଓ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ସରକାର ରୋଜଗାର ମେଳା ଆୟୋଜିତ କରିଥାନ୍ତି । ଏହି କାର୍ୟ୍ୟକ୍ରମରେ ବିଭିନ୍ନ ବିଭାଗରେ ନିଯୁକ୍ତି ପାଇଥିବା କୃତି ଛାତ୍ରଛାତ୍ରୀଙ୍କୁ ସରକାର ନିଯୁକ୍ତି ପତ୍ର ବଣ୍ଟନ କରିଥାନ୍ତି । ସେହି କ୍ରମରେ ଆଜି ଅଷ୍ଟମ ପର୍ୟ୍ୟାୟ ରୋଜଗାର ମେଳା ଦେଶର ୪୫ଟି ସ୍ଥାନରେ ଅନୁଷ୍ଠିତ ହୋଇଛି । ଏହି ରୋଜଗାର ମେଳାରେ ମୋଟ ୫୧ ହଜାର ୧୦୬ ଜଣଙ୍କୁ ନିଯୁକ୍ତି ପତ୍ର ମିଳିଛି । ଏହା ପୂର୍ବରୁ ସପ୍ତମ ପର୍ୟ୍ୟାୟରେ ୧୮୧ ଜଣଙ୍କୁ ନିଯୁକ୍ତିପତ୍ର ମିିଳିଥିଲା ।