ବନ୍ୟାର ସ୍ଥିତି ଧୀରେ ଧୀରେ କମୁଥିବା ବେଳେ ପାଣି ଘେରରେ ଥିବା ଲୋକ ଅଭିଯୋଗ ବଢୁଛି
Arpit Pattnaik
ସୁବର୍ଣ୍ଣରେଖାରେ ଚାରି ଦିନ ଧରି ଦେଖା ଦେଇଥିବା ବନ୍ୟା ପାଣି, ଆଖପାଖ ଅଞ୍ଚଳରେ ପ୍ରବେଶ କରିଛି l ନଦୀ କୂଳିଆ ଗ୍ରାମରେ ବନ୍ୟା ପାଣି ପ୍ରବେଶ କରିଥିବାରୁ, ଲୋକଙ୍କ ମନ ଭିତରେ ଭୟ ସୁଷ୍ଟି ହୋଇଥିଲା l ପ୍ରତେକ ଦିନ ନେତା ଠାରୁ ପ୍ରଶାସନ ପ୍ରଯ୍ୟନ୍ତ କିଏ ନାଁ କିଏ ଆସୁଛନ୍ତି, କିନ୍ତୁ ପାଣି ଘେରରେ ଲୋକଙ୍କ ସମସ୍ୟା କଥା ବୁଝୁଛି ଵା କିଏ ? ପାଣି ଧୀରେ ଧୀରେ କମୁଛି କିନ୍ତୁ ଅଭିଯୋଗ ବଢ଼ି ବଢ଼ି ଚାଲିଛି l ଏମାନଙ୍କ ଭିତରେ ପାଣି ଘେରରେ ଥିବା ପରିବାର ଲୋକେ ଭୋକ ଉପାସରେ ଦିନ କାଟୁଛନ୍ତି l ଦେଭୋଗ ପଞ୍ଚାୟତ ଅନ୍ତର୍ଗତ ନୂଆଗାଁ ଗ୍ରାମର ସତ୍ୟରଞ୍ଜନ ଗିରି, ପତ୍ନୀ ଓ ଦୁଇ ଛୋଟ ଝିଅଙ୍କ ସହ ଗୋଟିଏ ଛୋଟ କୁଡ଼ିଆରେ ବାସ କରନ୍ତି l କିନ୍ତୁ ଏଥର ସୁବର୍ଣ୍ଣରେଖାରେ ବନ୍ୟା ଆସିବା ଫଳରେ ସତ୍ୟରଞ୍ଜନଙ୍କ ଦୁଃଖ ବଢି ଯାଇଛି l ଘରେ ବନ୍ୟା ପାଣି ପଶିଯିବାରୁ କୁଡ଼ିଆଟି ଭାଙ୍ଗିବାକୁ ବସିଛି l ଚୁଲିରେ ପାଣି ପଶିଯିବାରୁ ଆଜକୁ ୪ ଦିନ ଧରି ଭୁକ ଉପାସରେ ଦିନ କାଟୁଛନ୍ତି l ଗତ ବାତ୍ୟାରେ କୁଡ଼ିଆଟି ସମ୍ପୂର୍ଣ ଭାଙ୍ଗି ଯାଇଥିଲା l ରାଜସ୍ୱ ନିରୀକ୍ଷକ ତାଙ୍କୁ ସେ ସମୟରେ ନୂଆ ଘର ଦିଆଯିବ ବୋଲି କହିଥିଲେ, କିନ୍ତୁ ଆଜି ପର୍ଯ୍ୟନ୍ତ କିଛି ଦେଖା ନାହିଁ l ଏହି ବନ୍ୟା କାଳରେ ପ୍ରଶାସନ ନା ନେତା କେହି ବି ତାଙ୍କ ପାଖରେ ପହଁଚି ନାହାଁନ୍ତି l ଏଭଳି ସ୍ଥିତିରେ ପ୍ରଶାସନ ତାଙ୍କୁ ତୁରନ୍ତ ଏକ ପ୍ରଧାନମନ୍ତ୍ରୀ ଆବାସ ସହିତ ଅନ୍ୟାନ୍ୟ ସୁବିଧା ଯୋଗାଇଦେବା ପାଇଁ ସତ୍ୟରଞ୍ଜନ ଙ୍କ ସହିତ ଗ୍ରାମବାସୀ ନିବେଦନ କରିଛନ୍ତି l
